Foto: avtordan
Memleket basshysynyń tapsyrmasyna sáıkes elimizdiń barlyq aımaǵy aýyz sýmen qamtylýy kerek. Oblys aýmaǵynda 3 jyldan beri 14 mlrd teńgeniń 60 jobasy qolǵa alynǵan. О́tken jyl qorytyndysy boıynsha óńir halqyn ortalyqtandyrylǵan aýyz sýmen qamtý deńgeıi 98,6 paıyz bolsa, bıyl 9 eldi mekenge aýyz sý jetkiziledi.
Osy aýdannyń ózinen 8 mlrd 100 mln teńgege Abaı, Toqabaı, 1 mlrd 45 mln teńgege Erimbetjaǵa, Tastúbek eldi mekenderin aýyz sýmen qamtý jobalary júzege asty. Osylaısha óńirdegi barlyq eldi meken 100 paıyz ortalyqtandyrylǵan aýyz sýmen qamtamasyz etiledi.
Oblystyq máslıhat tóraǵasy Murat Tileýimbetov qos aýyl turǵyndaryn quttyqtap, merdiger mekeme qyzmetkerlerine oblys ákiminiń Alǵys haty tabystaldy. El aqsaqaldary ulyq mereke qarsańyndaǵy bastamaǵa rızashylyq bildirip, batalaryn berdi.
