Foto: Ashyq derekkóz
Atyraý oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Polymbet Hasanovtyń deregine qaraǵanda, bıyl óńirlik jumyspen qamtý kartasy boıynsha 29 241 jumys orny qurylǵan. Onyń ishinde 15 029 turaqty jáne 14 212 ýaqytsha jumys orny bar.
«Jyl basynan beri Atyraý qalasy men aýdandardaǵy mansap ortalyqtaryna ártúrli máselemen habarlasqan 63 myń 55 adamnyń 38129-y jumyspen qamtý sharalarymen qamtyldy. Naqtylaı aıtqanda, 18322 adam jumysqa ornalasty. Onyń ishinde 9896 adam turaqty, al 8426-sy memleket tarapynan sýbsıdııalanatyn jumys oryndaryna ornalasty. Máselen, qoǵamdyq jumysqa 4265, jastar praktıkasyna 1914 adam tartyldy. «Kúmis jas» jobasymen 1439, áleýmettik jumys oryndaryna 325, «Alǵashqy jumys orny» jobasyna 464 jáne Urpaqtar kelisimsharty jobasyna 19 adam jiberildi», deıdi Polymbet Hasanov.
Basqarma basshysynyń málimetinshe, «Skills Enbek» platformasy arqyly onlaın rejıminde 2 255, «Bastaý-Bıznes» jobasymen kásipkerlik negizderin 2 164 oqyǵan. Al «Teńizshevroıl» kompanııasynyń qoldaýymen 95, bıýdjet esebinen 73 adam kásibı oqytý kýrsynan ótken.
