Sýret: qyzylqoga.kz
Búginde 20 myńnan astam jumys ornyn qurýǵa múmkindik beretin 10,2 trln teńgege jýyq somaǵa iri ındýstrııalyq jobalar portfeli jasaqtaldy. Jalpy, ónerkásipte ındýstrııalyq ınvestısııalyq jobalardy júzege asyrý esebinen 30 myńnan astam jumys orny qurylady.
Jobalar shıkizat baǵasynyń aýytqýlaryna táýeldilikti azaıtýǵa jáne naqty ónerkásiptik óndiristi damytýǵa baǵyttalǵan. Olardyń ishinde «EvroHım–Qarataý» JShS Jambyl oblysynda kúkirt qyshqyly, mıneraldy tyńaıtqyshtar jáne ındýstrııalyq ónimderdi óndiredi. Investısııa kólemi – 536 mlrd teńge. 1,2 myń jumys orny ashylady. Josparlanǵan ónim – jylyna 800 myń tonna. Bul kelesi jyly iske qosylady.
Túrkistan oblysyndaǵy «Sastóbe hımııalyq kesheni» JShS kaýstıkalyq soda, PVH jáne ilespe materıaldar shyǵarady. Investısııa kólemi – 153,9 mlrd teńge. 940 jumys orny ashylady. Jylyna 100 myń tonna kaýstıkalyq soda, 120 myń tonna PVH, 200 myń tonna kalsıı karbıdi jáne 400 myń tonna ák óndiriledi. 2027 jyly iske qosylady.
«Qazaq Kalium Ltd» JK – BQO-daǵy «Satımola» ken ornynan kalıı tuzdary boıynsha baıytý-óndirý kesheni. Investısııa kólemi – 1,2 trln teńge. 4 000 jumys orny ashylady. Josparlanǵan ónim – jylyna 1,5 mln tonna kalıı tyńaıtqyshy. 2027 jyly iske qosylady.
Túrkistan oblysyndaǵy «Taiqonyr Qyshqyl Zauyty» JShS kúkirt qyshqyly zaýyty. Investısııa kólemi – 113,5 mlrd teńge. 274 jumys orny orny ashylady. Jylyna 800 myń tonna kúkirt qyshqyly shyǵarylady. 2027 jyly iske qosylady.
Qaraǵandy oblysynda bolat ónimderiniń jańa túrlerin shyǵarý arqyly «Qarmet» AQ óndirisin keńeıtý. Investısııa kólemi – 1,6 trln teńge. 1,9 myń jumys orny ashylady. Josparlanǵan ónim – jylyna 5 mıllıon tonna bolat. О́ndiriske qosý merzimi – 2028 jyl.
«SSKО́B» AQ-nyń Qostanaı oblysyndaǵy ystyqtaı brıkettelgen temir óndiretin zaýyty (I kezeń). Investısııa kólemi – 920 mlrd teńge. 1 myń jumys orny ashylady. О́ndiris kólemi jylyna – 2 mln tonna. 2028 jyly iske qosyldy.
Sondaı-aq Memleket basshysynyń shıkizat emes sektorǵa, qosylǵan qun men turaqty jumys oryndaryn beretin jobalarǵa basa nazar aýdara otyryp, jańa ınvestısııalyq sıkldy qalyptastyrý jónindegi tapsyrmalary sheńberinde Úkimet sheteldik ınvestorlardy óńdeý, metallýrgııa, hımııa jáne materıaldar óndirisine tikeleı tartý jónindegi jumystardy kúsheıtti.
Sheteldikterdiń qatysýymen shamamen 5,7 trln teńgege 20 iri jobadan turatyn portfel jasaqtaldy, olar boıynsha 11 myńnan astam jumys orny ashylady. Mundaı jobalardyń eń kóbi Jambyl oblysynda shoǵyrlanǵan – bes joba, al Pavlodar oblysynda – tórt joba. Investısııa kólemi boıynsha Jambyl oblysy 1,47 trln teńgege, Pavlodar oblysy 1,02 trln teńgege, sondaı-aq Qostanaı oblysy 920 mlrd teńgege iri jobamen kósh bastap tur.
Qurylys materıaldaryn óndirý, aǵash óńdeý jáne mashına jasaý salasynda da birqatar joba júzege asýda.
Budan basqa, eki elden kóp qatysýshysy bar 9 kópjaqty joba júzege asyrylýda, quıylatyn qarajat 2,4 mlrd AQSh dollary shamasynda, olar boıynsha 2,8 myńnan astam jumys orny qurylady.
«Úkimet oń ınvestısııalyq klımatty qamtamasyz etetin birqatar shara qabyldaýda. Kvazımemlekettik sektordaǵy qarjy tetikterin tartý arqyly jobalardy qarjylandyrýǵa qoldaý kórsetiledi. Máselen, 2022 jyldan beri «aralas qarjylandyrý» qaǵıdatyn qosa alǵanda, ekonomıkanyń túrli sektorlarynda 116 jobany júzege asyrýǵa 700 mlrd teńgeden astam qarjy bólindi. Bıyl jáne aldaǵy eki jylda iske qosylatyn jobalardyń esebinen 30 myńnan astam turaqty jumys ornyn qurý josparlanýda», dedi ónerkásip jáne qurylys vıse-mınıstri Oljas Saparbekov.
Sheteldik ınvestorlar úshin jaǵdaıdyń jaqsarýy, Invest shtabtyń jumysy jáne negizgi ındýstrııalyq aımaqtardaǵy jobalardyń naqty jıyntyǵy qolaıly ınvestısııalyq klımat týǵyzyp otyr.
Indýstrııalyq bastamalarǵa ınfraqurylymmen qamtamasyz etý jáne maqsatty túrde qarjylandyrý arqyly qoldaý kórsetilýde. «Aralastyra qarjylandyrý» qaǵıdaty memlekettik qarajatty naryqtaǵy qarjymen biriktirýge jol ashyp, nátıjesinde salystyrmaly túrde az bıýdjettik ınvestısııalarmen aıtarlyqtaı kóp ınvestısııalar tartýǵa múmkindik týyp otyr. Bul rette 2026 jylǵa arnalǵan bıýdjette salany qoldaýdyń jańa quraldary kózdelgen, máselen, QDB, ónerkásipti damytý qory jáne «Qazaqstan Investment Corporation» arqyly 30-ǵa jýyq jańa jobany qoldaý josparlanýda. Bul júzdegen mıllıard teńge ınvestısııalar tartýdy jáne shıkizattyq emes ónim óndirý kóleminiń arttyrýdy qamtamasyz etedi.
Sondaı-aq 2026–2028 jyldarǵa arnalǵan ınvestısııalyq bastamalar qolǵa alyndy, sonyń ishinde damý ınstıtýttarynyń kapıtalyn ulǵaıtý jáne jabdyqty jańartý úshin lızıngtik qarjylandyrý baǵdarlamasy daıyndaldy.
