Sport • 12 Jeltoqsan, 2025

Short-trekten Olımpıadaǵa joldama alǵan sportshylardyń esimderi belgili boldy

10 ret

kórsetildi

1 mın

oqý úshin

Olımpıada lısenzııalaryn jeńip alǵan sportshylar 2025 jylǵy 9 qazan men 30 qarasha aralyǵynda ótken short-trekten Álemdik týr qorytyndylary boıynsha anyqtaldy. Sol nátıjeler boıynsha Qazaqstan quramasy 9 lısenzııaǵa ıe boldy, dep habarlaıdy Egemen.kz.

Qyrmyzy JUMAǴALIQYZY

Short-trekten Olımpıadaǵa joldama alǵan sportshylardyń esimderi belgili boldy

Foto: olympic.kz

Týrızm jáne sport mınıstrliginiń habarlaýynsha, Ulttyq qurama bapkerler shtaby men bas bapker Petr Gamıdovtyń sheshimimen 2026 jylǵy qysqy Olımpıadada el namysyn qorǵaýǵa Denıs Nıkısha, Abzal Ájiǵalıev, Olga Tıhonova jáne Iаna Han qatysady.

Foto: Týrızm jáne sport mınıstrligi

Lısenzııalardyń bólinisi kelesideı:

2000 m (mıkst) – 1 lısenzııa

Erler:

500 m – 2 lısenzııa
1000 m – 1 lısenzııa

Áıelder:

500 m – 2 lısenzııa
1000 m – 1 lısenzııa
1500 m – 2 lısenzııa

Sonymen qatar, mánerlep syrǵanaýshylar Mıhaıl Shaıdorov pen Sofıa Samodelkına álem chempıonatynda olımpıadalyq normatıvti oryndap, eki lısenzııany jeńip alǵan bolatyn. Osylaısha, Qazaqstan quramasynyń Olımpıadaǵa qatysatyn sportshylarynyń sany 6 adamǵa jetip, el qorjynyna barlyǵy 11 lısenzııa tústi.

Aıta keteıik, Olımpıada joldamalarynyń naqty sany 2026 jylǵy qańtar aıynyń sońynda anyqtalady. XXV qysqy Olımpıada 2026 jylǵy 6-22 aqpan aralyǵynda Mılan jáne Kortına-d’Ampesso qalalarynda ótedi. Báıgege 93 elden 3 500-den astam sportshy qatysady.