Foto: Zakon.kz
«Qaraǵandy – Sortırovko – Qulaıǵyr» ýchaskesinde bolǵan jol-kólik oqıǵasy boıynsha polısııa qyzmetkerleri qylmystyq is qozǵady. Aldyn ala málimet boıynsha, Audi markaly avtokólik júrgizýshisi tyıym salatyn qyzyl jaryqqa qaramastan temirjol ótkeline kirip ketken. Sol mezette ótkelden júk poıyzy ótip jatqandyqtan, soqtyǵysýdan qashyp qutylý múmkin bolmaǵan.
«Soqqy saldarynan 35 jastaǵy júrgizýshi men onyń tórt jolaýshysy ártúrli dárejedegi jaraqat alyp, dereý medısınalyq mekemelerge jetkizildi», dep habarlady Qaraǵandy oblystyq PD baspasóz qyzmeti.
Qazir olardyń jaǵdaıyn dárigerler naqtylap jatyr.
Polısııa oqıǵanyń barlyq qatysýshylarynyń áreketine qoldanystaǵy zańnamaǵa sáıkes quqyqtyq baǵa berý maqsatynda jan-jaqty tergeýdi bastady.
«Barlyq kináliler zań boıynsha jaýapqa tartylady», dedi vedomstvonyń baspasóz qyzmeti.
