Foto: Ashyq derekkóz
Holdıngtiń málimetinshe, atalǵan qarajatqa óńdeý ónerkásibi, kólik, qoıma logıstıkasy jáne elektr energetıkasy salalarynda 13 joba iske asyrylǵan. Solardyń ishinde rels zaýytynyń qurylysyn júrgizý, temirjol dóńgelekterin shyǵaratyn keshen qurý, mıneraldy tyńaıtqysh zaýytyn jańǵyrtý, ınfraqurylymdyq nysandardy júzege asyrý, aýyldyq eldi mekenderdi gazben qamtamasyz etý sııaqty mańyzdy bastamalar bar.
Holdıngtiń enshiles kompanııalarynyń málimetteri boıynsha, 2016 jáne 2024 jyldar aralyǵynda jalpy óndiris kólemi 16,2 mlrd teńgeden 2024 jyly 390,9 mlrd teńgege deıin ósti. Al eksport 0,17 mlrd teńgeden 99,5 mlrd teńgege jetti. Sonymen qatar atalǵan jobalardy iske asyrý sheńberinde 2,5 myńnan astam jumys orny qurylǵan.
2026 jyly «Báıterek» Holdıngine respýblıkalyq bıýdjetten 1 trln teńgege deıin qarjy bólingenin habarlaǵan edik. Sonymen qatar holdıng arqyly shaǵyn jáne orta bıznesti qoldaý kólemi shamamen eki trıllıon teńgege jetti.
