Jıynǵa Májilis depýtattary, Aýyl sharýashylyǵy mınıstrliginiń, Jasandy ıntellekt jáne sıfrlyq damý mınıstrliginiń, Aqmola oblysy ákimdiginiń, «Agrarlyq nesıe korporasııasy» aksıonerlik qoǵamynyń basshylary, agroqurylymdardyń jetekshileri, halyqaralyq uıymdar men salalyq qaýymdastyqtardyń sarapshylary qatysty. Eldiń ár aımaǵyndaǵy fermerler, sharýa qojalyqtary, barlyǵy júzden astam agrarlyq qurylym basshylary kóshpeli otyrysqa beınekonferensııa baılanysy arqyly qosyldy.
Otyrysty ashqan komıtet tóraǵasy Serik Egizbaev jıyn Memleket basshysynyń «Jasandy ıntellekt dáýirindegi Qazaqstan» atty Joldaýynda qoıylǵan tapsyrmalardy iske asyrýǵa baǵyttalǵanyn atap ótti. Onda aýyl sharýashylyǵyn damytýda jańa tásilder men naqty sheshimderge erekshe mán berilgenin aıtty.
«Memleket basshysy tolyq óndiristik sıkldi qamtıtyn, tereń qaıta óńdeýdi júzege asyratyn, ozyq tehnologııalardy belsendi qoldanatyn tiginen ıntegrasııalanǵan agrokásiporyndarynyń tájirıbesin keńinen taratý mańyzdy ekendigine nazar aýdardy. Aqmola oblysyn kóshpeli otyrys ótkizý alańy retinde tańdaýymyz kezdeısoq emes. Bıyl óńir astyq jınaý kólemi boıynsha kóshbasshy atandy. Basqa óńirlerden aıyrmashylyǵy, munda tolyqqandy agrohabtardy damytýǵa turaqty negiz qalyptasqan. Damyǵan logıstıkalyq jáne óndiristik ınfraqurylym, óńdeýshi kásiporyndardyń joǵary shoǵyrlanýy, sıfrlyq sheshimderdi belsendi engizý, sondaı-aq bıznestiń, ǵylymnyń jáne kadrlar daıarlaý júıesiniń tyǵyz yntymaqtastyǵy osy óńirdiń basty artyqshylyǵy. Osy múmkindikterdi eskere otyryp, búgin biz agroholdıngterdiń tıimdi jumys modelin, olardyń óndiristik tájirıbesin, sıfrlandyrýdy jan-jaqty talqylamaqpyz», dedi komıtet tóraǵasy.
Otyrysta Shyǵys Qazaqstan, Atyraý, Túrkistan oblystarynyń kásiporyn ıeleri men BUU Azyq-túlik jáne aýyl sharýashylyǵy uıymynyń basshylary óz kásiporyndarynyń jumys barysy, jańa tehnologııalardy engizýdiń jaı-kúıi týraly baıandady.
Depýtattar men agrarıler óndiris prosesin sıfrlandyrý, sý resýrsyn únemdi qoldaný jáne alqaptardy tıimdi paıdalaný tehnologııalary, memleket tarapynan qarastyrylǵan jeńildikterge qol jetkizý joldary jáne basqa da máseleler boıynsha ózderin alańdatqan saýaldardy ortaǵa salyp, quzyrly mekemeler ókilderi tarapynan tıisinshe jaýap aldy.
Májilis depýtaty Amanjol Áltaı aýyl sharýashylyǵy ónimin óndirýshiler men óńdeýshilerdiń birlesip, qoıan-qoltyq jumys isteýine jaǵdaı jasaý qajettigin aıtty.
«О́ndirýshi men óńdeýshi – agrarlyq salanyń qos qanaty sııaqty. Ekeýiniń de quqyǵy qorǵalýy qajet. Olar ózara básekelesip emes, birlesip jumys istese ǵana agrarlyq sektor damıdy. Sondyqtan búgingi jıynǵa qatysyp otyrǵan quzyrly organdardyń ókilderi óńdeýshi men óndirýshiniń baılanysyn nyǵaıtýǵa yqpal etip, tepe-teńdikti, ádilettililikti qamtamasyz etýi kerek», dedi depýtat.
Is-sharany qorytyndylaǵan Serik Egizbaev jıynda kóterilgen máseleler men ortaǵa salynǵan usynystardyń barlyǵy nazarǵa alynyp, tıisti usynymdar Úkimetke joldanatynyn aıtty.
Kóshpeli otyrys aıasynda depýtattar Selınograd aýdany Mánshúk Mámetova aýylyndaǵy «En-Dala» sút-taýar fermasyna, Qosshy qalasyndaǵy «Altyn-Qazyq» et jáne et-shujyq ónimder kásipornyna, qus etin óndiretin «Aitas Agro» kásipornyna, taýyq etinen jartylaı fabrıkattar shyǵaratyn «Il-Tov» JShS-na baryp, jumys prosesimen, olar qoldanatyn ozyq tehnologııalarmen tanysty.
