Jyldaǵy dástúr boıynsha jetekshi platforma jýrnalıstermen kezdesip, BAQ ókilderine bastamalar men jetistikteri jaıly egjeı-tegjeıli baıandady.
Bıyl Qazaqstan TikTok-ta naǵyz trendsetterge aınalǵan. Indonezııa men Koreıadan bastap Meksıka men AQSh-qa deıingi túrli el qoldanýshylary Qazaqstanǵa arnalǵan jeke trend qalyptastyrdy. Sheteldik kreatorlar qazaq mádenıetine erekshe qyzyǵýshylyq tanytyp, «I’m not Kazakh, but…» trendi aıasynda qazaqstandyq ártisterdiń ánderin oryndady. Qatysýshylardyń mýzykalyq tańdaýy da ár alýan bolyp, Qaırat Nurtas pen Sadraddınniń hıt ánderi, Qaırat Baekenov pen «Format» tobynyń kompozısııalary, sondaı-aq Dımash Qudaıbergenniń kúrdeli vokaldyq partııalary tyńdarmandaryn kóbeıte tústi. Keıbir ulttyq aspaptarmen oryndalatyn halyq áýenderine beınebaıandar túsirilip, fleshmobqa erekshe ulttyq reńk berilgen.
Osy oraıda qoldanýshylar platformanyń eń belsendi jáne erekshe avtorlaryn anyqtaǵan #QaýymdastyqTańdaýy2025 baıqaýy – TikTok-taǵy bıylǵy jyldyń mańyzdy oqıǵalarynyń qataryna kirdi.
Bıyl eń úzdik oıyn-saýyq kontentiniń avtory retinde qazaq tilinde kınolarǵa sholý jasap, premeralar týraly aqparattar men keńester berip otyrǵan @daulenuly akkaýntynyń ıesi Nurbek Qasymbekovtyń esimi ataldy.
«Eń úzdik sporttyq kreator» nomınasııasynda sport jańalyqtary tanymal tulǵalardyń birine aınalǵan @temirlan_erzhanovich akkaýntynyń ıesi Temirlan Orynbaev top jardy
Al «Eń úzdik tanymdyq kontent avtory» atanǵan Altynaı О́tegenova @altynai_qazaq_tili – qazaq tilin úırenýge arnalǵan tanymdyq kontentpen bólisip, leksıka men erejelerdi túsindirip, kóptiń bilimin keńeıtýge, mádenı mánmátinge tereńirek boılaýyna kómektesti.
Naılıa Pavlovskaıa @nyakushkaa – qarapaıym ári dámdi as mázirlerimen bólisip bólisip, kórermenderdi aspazdyq tájirıbelerge shabyttandyrǵany úshin «Eń úzdik aspazdyq kreator» atandy.
Eń úzdik saıahat kontentiniń avtory Juldyz Rahmet @zhuldyz_rakhmet – trevel-jýrnalıst, platforma qoldanýshylary úshin Qazaqstannyń kórikti jerlerin tanystyratyn vırtýaldy gıdke aınaldy. Avtor osy nomınasııada ekinshi jyl qatarynan jeńiske jetti, bul onyń el ishindegi saparlarynyń aýdıtorııa úshin ózekti ári qyzyqty ekenin dáleldeıdi.
Ult qazynasy @ult_kazynasy akkaýntynyń avtorlary – Narıman Qarabalın, Bısultan О́mirbaev, Baýyrjan Tileýhanov pen Ádil Imantaevtar óńirlerdiń mádenı jáne tildik erekshelikterin kórsetip, Qazaqstan tarıhyna arnalǵan beınebaıandary úshin «Eń úzdik mádenıet kontentiniń avtory» atandy.
Eń úzdik shaǵyn bıznes akkaýntynyń ıesi @doner_na_satpayeva_ – beınebaıandarynda óz klıentterin qyzǵylyqty nasıhattap otyrǵan.
Jetekshi platformanyń ekonomıkadaǵy yqpalyn joqqa shyǵarýǵa bolmaıdy. TikTok pen «Atameken» Ulttyq kásipkerler palatasy Qazaqstandaǵy shaǵyn jáne orta bızneske platformanyń áserin baǵalaýǵa arnalǵan alǵashqy zertteýin júrgizip, nátıjesinde TikTok-ty aptasyna keminde bir ret paıdalanatyn árbir segizinshi kásipker kirisiniń jartysynan astamyn platformanyń arqasynda qalyptastyratyny anyqtalǵan.
«Bıylǵy jyl shyǵarmashylyq, tanymdyq kontenttiń qanshalyqty kúshke ıe ekenin aıqyn kórsetip, bilim taratýda, mádenı murany saqtaýda, pozıtıvti sıfrlyq ortany qalyptastyrýda mańyzdy ról atqarady. Discover List 2025 tizimine alǵash ret qazaqstandyq pedagogtyń enýi – biz úshin úlken jetistik, al úshinshi jyl qatarynan ótip jatqan Naýryz festıvalimiz platformamyzdaǵy eń iri mádenı oqıǵa deńgeıine kóterildi. Aldaǵy ýaqytta da qoldanýshylarǵa ózin erkin, qaýipsiz jáne shyǵarmashylyq turǵyda kórsetýge múmkindik bere otyryp, avtorlardy qoldaýdy, sıfrlyq saýattylyqty arttyrý bastamalaryn damytýdy, mádenıetter arasyndaǵy baılanysty nyǵaıtýdy jalǵastyra beremiz», dedi TikTok kompanııasynyń Shyǵys Eýropa jáne Ortalyq Azııa boıynsha operasııalyq bólim basshysy Melıs Chaglar.
