Baıqaýdyń basty maqsaty – bas qaladaǵy tazalyq pen tártipti qamtamasyz etip júrgen kommýnaldyq sala qyzmetkerleriniń eńbegin nasıhattaý, jumysshy mamandyqtarynyń mártebesin arttyrýǵa, sondaı-aq elordanyń, onyń shet aımaqtary men eldi mekenderiniń sanıtarlyq jaǵdaıyn qamtamasyz etý taqyrybyn ashyp jazý, kórsetý. Baıqaýdyń talaby boıynsha, jýrnalıster men blogerler 1 qarasha men 10 jeltoqsan aralyǵynda BAQ quraldarynda nemese áleýmettik jelide jarııalaǵan materıaldaryn usyndy. Jalpy, uıymdastyrýshylar alqasyna 122 jýrnalıst pen bloger qala tazalyǵyna jaýapty mamandardyń aq adal eńbegin pash etken 150-den astam materıal joldaǵan eken.
Baıqaý júldegerlerin marapattaý rásiminde «Astana Tazalyq» JShS bas dırektory Zamır Saǵynov:
– Jumysshy mamandyqtar jylynda eńbek adamdarynyń jumysyn nasıhattaý – jalpy qoǵamnyń mindeti dep bilemiz. Sonyń ishinde qalanyń kúl-qoqysyn jınap, syrtqa shyǵaryp, kóshelerdi, joldardy, alańdardy, trotýarlar men basqa da qoǵamdyq oryndardy tazalap, kún-tún demeı qoǵam úshin eńbek etetin qarapaıym jumysshylardy úlgi etip júrgen azamattarǵa alǵys aıtamyz. Jyl basynan beri «Astana Tazalyq» seriktestigi týraly aqparat keńistiginde 487 materıal jaryq kóripti. Sonyń 370-i qarapaıym qyzmetkerler týraly eken. Iаǵnı BAQ ókilderi kún saıyn kemi bir jumysshynyń eńbegin elge kórsetip otyrdy degen sóz. Bul – úlken eńbek», – dep atap ótti.
Baıqaýǵa usynylǵan jumystardy saralap, jeńimpazdardy anyqtaý maqsatynda táýelsiz komıssııa qurylǵan. Komıssııa músheleriniń sheshimimen «Baspa basylymyndaǵy úzdik maqala», «Úzdik televızııalyq materıal», «Áleýmettik jelilerdegi úzdik jarııalanym», «Internet-basylymdaǵy úzdik jarııalanym» atalymdary boıynsha úzdikter anyqtaldy. Júlde alǵan jýrnalısterdiń qatarynda gazetimizdiń Áleýmet jáne sport bóliminiń tilshisi Sándibek Asanáli de bar. Áriptesimiz «Baspa basylymyndaǵy úzdik maqala» atalymynda júldeger atandy. Sonymen qatar «Kazahstanskaıa pravda» gazetiniń bólim redaktory Ásel Muqanova arnaıy syılyqqa ıe boldy.
