Onyń jobasy ICT Startup Award – Hardware and Device nomınasııasy boıynsha úzdik dep tanyldy jáne SLOPE atty ınnovasııalyq qurylǵysy altyn júldeni jeńip aldy. Qazylar alqasy bul tehnologııalyq jobanyń medısına úshin mańyzdylyǵyn joǵary baǵalady.
Jańa qurylǵy kózdiń torqabyǵynda jasqa baılanysty paıda bolatyn aýrýlardy erte satysynda anyqtaýǵa múmkindik beredi. Dıagnostıka kezinde eshqandaı ota jasalmaıdy, dári-dármek nemese aýyr prosedýralar qoldanylmaıdy. Aýrýdy anyqtaý tek jaryq pen tolqyn tehnologııalary arqyly júzege asady.
Muhıt Qulmaǵanbetov – Qyzylorda oblysy, Qaljan Ahýn aýylynyń týmasy. Ol kásibı ortada kvanttyq oftalmologııa salasynyń ókili retinde tanymal.
«Biz jasaǵan SLOPE qurylǵysy kózdiń jasqa baılanysty makýlodıstrofııasyn (AMD) erte anyqtaýǵa múmkindik beredi. Qazylar alqasy tehnologııamyzdyń ınnovasııasyn jáne qoǵamǵa tıgizetin oń áserin erekshe atap ótti. Jobamyz halyqaralyq deńgeıde jeńiske jetken kezde boıymdy maqtanysh sezimi bıledi. Bolashaqta osyndaı ozyq tehnologııalardy Qazaqstanǵa ákelip, elimizdiń densaýlyq saqtaý salasyn jańa deńgeıge kótergim keledi. Otandastaryma qoljetimdi, zamanaýı jáne tıimdi medısınalyq sheshimder usyný – basty maqsatym», deıdi jeńimpaz.
Hong Kong ICT Awards premııasy 2006 jyly Gonkong úkimetiniń qoldaýymen qurylǵan. Búginde bul syılyq aqparattyq-kommýnıkasııalyq tehnologııalar salasyndaǵy eń bedeldi marapattardyń biri bolyp esepteledi jáne tehnologııalyq ári medısınalyq jobalardyń halyqaralyq deńgeıde moıyndalýynyń sımvoly sanalady.
