«Amanat» partııasy Túrkistan oblystyq fılıaly janyndaǵy áıelder qanatynyń janynan mańyzdy qoǵamdyq-saıası alańnyń ashylýyna QR Prezıdenti janyndaǵy áıelder isteri jáne otbasylyq-demografııalyq saıasat jónindegi Ulttyq komıssııanyń múshesi Sholpan Karınova, Túrkistan oblysy ákiminiń orynbasary Ertaı Altaev, «Amanat» partııasy oblystyq fılıalynyń tóraǵasy Altynsary Úmbetálıev qatysyp, izgi tilekterin arnady. Saıası mekteptiń qabyrǵasynda bilim alǵan áıel kóshbasshylar eldik múddeni alǵa qoıatyn, qoǵamnyń damýyna naqty úles qosatyn tulǵalar bolaryna senim bildirdi.
«Bórte» áıelderdiń saıası kóshbasshylyq mektebiniń alǵashqy leksııalaryna aýdan, qalalardaǵy «Amanat» partııasy fılıaldarynyń áıelder qanatynyń jetekshileri, bilim berý, densaýlyq saqtaý, mádenıet, sport jáne áleýmettik salalarda qyzmet atqaratyn qyz-kelinshekter, depýtattar qatysty.
Aıta ketelik, áıelder oblystaǵy jalpy halyq sanynyń 49 paıyzyn quraıdy. Qazirgi tańda, oblysta 185 myńnan asa kópbalaly ana bar. Onyń ishinde 18 myńnan astamy – «Altyn alqa», 43 myńnan astamy «Kúmis alqa» ıegeri atanǵan. Sondaı-aq óńirdegi 212 myńnan astam kásipkerdiń 89 myńǵa jýyǵy nemese 42 paıyzdan astamy, 5611 memlekettik qyzmetshiniń 1572-si názik jandylar.
Túrkistan oblysy
