Saıasat • 18 Jeltoqsan, 2025

Tokıoda jalpy quny 3,7 mıllıard dollardan asatyn kelisimderge qol qoıylady

50 ret

kórsetildi

1 mın

oqý úshin

Memleket basshysy Qasym-Jomart Toqaevtyń Japonııaǵa resmı sapary bastaldy. Prezıdenttiń Japonııaǵa resmı sapary aıasynda qol qoıylatyn kommersııalyq kelisimderdiń jalpy quny 3,7 mıllıard dollardan asady. Bul týraly Prezıdenttiń kómekshisi – Baspasóz hatshysy Rýslan Jeldibaı telegram arnasynda habarlady, dep jazady Egemen.kz.

Dana MYRZAQADIR

Tokıoda jalpy quny 3,7 mıllıard dollardan asatyn kelisimderge qol qoıylady

Foto: N.Baıbýlın

Prezıdent osy maqsatta Tokıoda japonııalyq iri bıznes ókilderimen kezdesýler ótkizbek.

Barlyǵy 40-tan astam qujatqa qol qoıý josparlanǵan. Kelisimder energetıka, jańartylatyn qýat kózderi, sıfrlandyrý, taý-ken, kólik sekildi negizgi salalardy qamtıdy.

Qazaqstan tarapynan qujattarǵa «Samuryq-Qazyna», KEGOC, «Qazatomónerkásip», «Taý-ken Samuryq», «Qazposhta», «Qazaqstan temir joly» kompanııalary, al Japonııa tarapynan Marubeni, MUFG Bank, Mitsubishi Heavy Industries, Hitachi Energy, Toshiba, JOGMEC, Kansai Electric Power jáne RIKEN KOGYO sııaqty kompanııalardyń ókilderi qol qoıady. Prezıdenttiń Japonııaǵa sapary aıasynda ózge de resmı kelissózder men iskerlik kezdesýler ótkizý josparlanyp otyr.

Aıta keteıik, Prezıdent Japonııa Imperatorynyń saraıyna bardy. Qasym-Jomart Toqaevty Imperator Narýhıto qarsy aldy.

Prezıdent qonaqjaılyq tanytqany úshin Japonııa Imperatoryna rızashylyǵyn bildirdi.