Foto: Erlan Omar
Eńbek jáne halyqty áleýmettik qorǵaý mınıstrliginiń málimetinshe, 2025 jyly 1 qańtardan bastap Qazaqstanda kópbalaly otbasylarǵa arnalǵan memlekettik járdemaqylardyń mólsheri 6,5%-ǵa artty.
Kópbalaly otbasylarǵa beriletin járdemaqy (tórt jáne odan da kóp balasy bar) otbasynyń tabysyna qaramastan taǵaıyndalady. Tólem mólsheri bala sanyna baılanysty saralanǵan jáne 2025 jyly kelesideı:
- 4 balaǵa – 63 030 teńge (16,03 AEK);
- 5 balaǵa – 78 798 teńge (20,04 AEK);
- 6 balaǵa – 94 565 teńge (24,05 AEK);
- 7 balaǵa – 110 332 teńge (28,06 AEK);
- 8 jáne odan da kóp balasy barlarǵa – 15 728 teńgeden (4 AEK) ár balaǵa qosylady.
Aıta keterligi, bul kómekti otbasynyń tabys deńgeıine qaramastan, 18 jasqa tolmaǵan nemese 23 jasqa deıingi kúndizgi bólimde oqıtyn stýdent balalary bar barlyq kópbalaly ata-analar ala alady.
Memleket «Altyn alqa», «Kúmis alqa» alqalarymen nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen nagradtalǵan analarǵa beriletin járdemaqy aı saıyn kelesi mólsherde tólenedi:
- «Kúmis alqa» ıegerlerine – 25 165 teńge;
- «Altyn alqa» jáne ózge de joǵary marapat ıelerine – 29 097 teńge.
