foto: QFF baspasóz qyzmeti
Qaırat Nurdáýletov 1982 jyly dúnıege kelgen. Kásibı fýtbolshy retinde ol «SSKA-Qaırat», «Esil-Batyr», «Ertis», «Qaırat», «Tobyl», «Astana» jáne «Qaısar» klýbtarynyń namysyn qorǵaǵan.
Mansabyn aıaqtaǵannan keıin Qazaqstan ulttyq quramasynyń bapkerlik shtabyna kirdi. Keıin eldiń jastar quramasyn basqardy.
2023 jyly Qaırat Nurdáýletov Túrkistan oblysyndaǵy «Maqtaaral» klýbynyń bas bapkeri bolyp jumys istedi. Sondaı-aq komandanyń Premer-lıgada ornyn saqtap qalýyna úles qosty.
Odan keıin taldyqorǵandyq «Jetisý» klýbyn basqardy, onyń jetekshiligimen komanda maýsymdy 11-orynmen aıaqtady.
Bıylǵy jyldyń 4 shildesinde Qaırat Nurdáýletov Kókshetaýlyq «Oqjetpes» klýbynyń bas bapkeri bolyp taǵaıyndalyp, bul qyzmette Andreı Ferapontovty almastyrdy. О́tken maýsym qorytyndysy boıynsha klýb 35 upaı jınap, Qazaqstan Premer-lıgasynyń týrnırlik kestesinde segizinshi orynǵa ıe boldy.
