Aqtóbede «Qaladan – aýylǵa» aksııasy bastaldy

AQTО́BE. 11 tamyz. Aqtóbe oblystyq «Nur-Ǵasyr» ortalyq meshiti ımandylyqqa tárbıeleıtin «Qaladan – aýylǵa» atty aksııasyn uıymdastyrýda. Bul týraly egemen.kz habarlady. Aksııa aldymen Alǵa, Qandyaǵash, Embi qalalarynda, Shubarshı, Kenqııak, Shubarqudyq eldi mekenderinde, Baıǵanın aýdanynyń ortalyǵynda ótkiziledi. Osy is-sharaǵa «Nur-Ǵasyr» meshiti, «Ańsar» aqparattyq taldaý ortalyǵy jáne terapevt, rengenolog dárigerler jumyldyrylǵan. Shara sheńberinde jastardy dinı bilim alýǵa, keıin óziniń jergilikti jerine qyzmet etýge shaqyrý, qazirgi tańdaǵy ártúrli aýrýlardyń aldyn alý maqsatynda júrgizetin ekpelerdiń (vaksınasııa) qajettiligi, ekpege qatysty qoǵamda qalyptasqan túrli teris pikirlerdi joıýǵa baǵyttalǵan túsindirý jumystary, áleýmettik jaǵdaıy tómen otbasylarǵa kómek qolyn sozý maqsatyndaǵy qaıyrymdylyq aksııasy, arnaıy medısınalyq jabdyqtarmen qamtylǵan dárigerlik kómek kórsetý men tegin keńester ótkizý qarastyrylǵan. Sondaı-aq, dinı saýattylyq, jat aǵymdardyń zııany týraly da áńgime bolyp, nasıhat aıtylady, aýyldardaǵy dinı ahýal nazarǵa alynady. Satybaldy Sáýirbaı. Derek: egemen.kz. Sýret: plus.google.com.