Foto: istockphoto.com
Mınıstrdiń aıtýynsha, tartylǵan ınvestısııalar men halyqaralyq kelisimder sý qaýipsizdigin qamtamasyz etýdiń basty kepili bolady. Qazirgi tańda mınıstrlik sheteldik seriktestermen 7 iri kelisim men 30-dan astam memorandýmǵa qol qoıǵan. Bul qujattardyń ishinde eń mańyzdysy – Azııa damý bankimen birlese júzege asyrylatyn Esil qarsy rettegishiniń qurylysy.
«Qol qoıylǵan memorandýmdardyń ishinde qytaılyq seriktestermen Jambyl oblysynda smart-tehnologııalar shyǵaratyn zaýyt salý boıynsha $20 mln yntymaqtastyq nıetin, sondaı-aq Azııa damý bankimen Esil qarsy rettegishi qurylysyna qarjy bólý týraly memorandýmdy erekshe atap ótýge bolady. Atalǵan nysan 873 mln tekshe metrge deıin tasqyn sý jınaýǵa múmkindik beredi, bul Soltústik Qazaqstan oblysyndaǵy eldi mekenderdi sý basý qaýpinen saqtaıdy», dedi Nurjan Nurjigitov.
Osylaısha, memleket mıllıardtaǵan ınvestısııany tek ınfraqurylymǵa emes, tabıǵı apattardyń aldyn alýǵa baǵyttap otyr.
Buǵan deıin elimizde 2026 jyly úsh oblysta jańa sý qoımalary boı kóteretinin habarlaǵan edik. Sonymen qatar bıyl sý salasy qyzmetkerleriniń jalaqysy 50%-ǵa deıin artty.
