Foto: istockphoto.com
Qabyldanǵan ózgeristerdiń túp negizi kommýnaldyq memlekettik mekeme dırektory azamat A.Belgibaevtyń ótinishi boıynsha shyǵarylǵan Konstıtýsııalyq Sottyń atalǵan tyıymdy Konstıtýsııaǵa qaıshy dep tanýy týraly sheshimi boldy. Konstıtýsııalyq Sot kásipkerlik qyzmetke qoıylatyn shekteýler laýazymdyq mindetterdiń sıpatyna baılanysty jáne saralanǵan bolýy kerek ekenin atap ótken edi.
Jańa Zańǵa sáıkes, vedomstvolyq uıym basshylary burynǵydaı sybaılas jemqorlyq quqyqbuzýshylyq sýbektisine jatady jáne memlekettik qyzmetshilermen teń dárejede sybaılas jemqorlyqqa qarsy organnyń nazarynda bolady.
Olarǵa qatysty qarjylyq baqylaý sharalary, múddeler qaqtyǵysynyń aldyn alý jónindegi talaptar, sondaı-aq týystarymen birlesip jumys isteýge tyıym salý normalary sııaqty sybaılas jemqorlyqqa qarsy shekteýler qoldanyla beredi.
Tıisinshe, atalǵan basshylar kásipkerlik qyzmetti júzege asyrý barysynda belgilengen shekteýlerdi, onyń ishinde qyzmettik múlikti paıdalaný nemese múddeler qaqtyǵysy kezinde qyzmet júrgizý talaptaryn buzǵan jaǵdaıda, «Sybaılas jemqorlyqqa qarsy is-qımyl týraly» Zańǵa sáıkes sybaılas jemqorlyqqa qarsy shekteýlerdi saqtamaǵany úshin qyzmetten bosatý túrindegi qatań jaýapkershilik kózdelgen.
