Foto:depositphotos.com
Qamaýǵa alynǵandardyń arasynda Elıseı saraıynda jumys istegen kúmis sheberi de bar. Tergeý derekterine sáıkes, er adamnyń Vinted-tegi akkaýntynda «Fransııanyń áskerı-áýe kúshteri» degen jazýy bar tárelkeler men «Sevr manýfaktýrasy» degen belgisi bar kúlsalǵyshtar ornalastyrylǵan. Mundaı buıymdar ádette kópshilikke qoljetimdi bolmaıdy.
Tergeýshilerdiń aıtýynsha, onyń úıinen, kóliginen jáne jeke shkafynan shamamen 100-ge jýyq zat tabylǵan. Olardyń qatarynda Sevr farfory, Rene Lalıktiń músinshesi, Baccarat shampan bokaldary jáne mys qazandar bolǵan.
Kúmis ydystarǵa jaýapty qyzmetkerdiń mindetine prezıdentter, korol áýletiniń músheleri jáne ózge de joǵary laýazymdy tulǵalar paıdalanatyn ashana jabdyqtaryn saqtaý men kútip-baptaý kiredi. Prokýrorlardyń málimetinshe, qamaýǵa alynǵan qyzmetker jasaǵan túgendeý jazbalary onyń bolashaqta da urlyq jasaýdy josparlaǵanyn meńzeıdi.
Urlanǵan zattardyń basym bóligi 1759 jyldan beri Fransııa memleketiniń menshiginde turǵan, Parıjdegi ataqty Sevr manýfaktýrasynda jasalǵan.
Elıseı saraıynyń qyzmetkerlerin tergeý Sevr fabrıkasynyń jumysshylary joǵalǵan keıbir buıymdardy aýksıon saıttarynan tanyp bilgennen keıin bastalǵan.
The Guardian málimetinshe tabylǵan zattardyń (jalpy quny 40 myń) barlyǵy Elıseı saraıyna qaıtaryldy. Buǵan deıin Lývr mýzeıinde zattar urlanǵan edi.
