Foto: polisia.kz
Ishki ister mınıstrligi men Almaty qalalyq polısııa departamentiniń úılesimdi is-qımylynyń arqasynda kannabıs tobyna jatatyn esirtki zattaryn tasymaldaý, saqtaý jáne satýmen aınalysqan toptyń qyzmeti toqtatyldy.
Jedel-izdestirý sharalary barysynda birneshe kúdikti qolǵa túsip, olardan iri kólemde esirtki zaty men aqshalaı qarajat tárkilendi. Sonymen qatar esirtki jasyrý úshin paıdalanylǵan arnaıy oryndar anyqtaldy.
Sot-saraptama qorytyndysyna sáıkes, tárkilengen gashıshtiń jalpy salmaǵy 16 keliden asqan. Bul zańnama boıynsha «erekshe iri kólem» bolyp sanalady.
Almaty qalalyq polısııa departamentiniń Esirtki qylmysyna qarsy is-qımyl basqarmasynyń bastyǵy Murat Jumabaevtyń aıtýynsha, bul operasııa óńiraralyq esirtki jetkizý arnasyn joıýǵa baǵyttalǵan.
«Mundaı qylmystar qoǵamdyq qaýipsizdikke eleýli qater tóndiredi. Sondyqtan polısııa úshin tasymaldaýdan bastap satýǵa deıingi búkil tizbekti anyqtaý jáne joıý basym mindet bolyp qala beredi. Biz bul baǵyttaǵy baqylaýdy kúsheıtip, jumysty jalǵastyramyz», dedi ol.
Qazirgi tańda atalǵan derek boıynsha qylmystyq is qozǵaldy. Kúdiktiler ýaqytsha ustaý ızolıatoryna qamalyp, tergeý amaldary júrgizilip jatyr.
