Foto: Depositphotos.com
Forbes basylymynyń habarlaýynsha, bul baılyqty esepteý ádistemesiniń qaıta qaralýynan bolǵan. Buǵan Delaver shtaty Joǵarǵy sotynyń sheshimi negiz boldy. Sot Masktyń 2018 jyly Tesla aksııalary boıynsha alǵan opsıondaryna qatysty burynǵy úkimniń kúshin joıdy.
Bul opsıondardyń quny shamamen 139 mıllıard dollarǵa baǵalanady. Sot prosesteri júrip jatqan ýaqytta Forbes bul somanyń tek jartysyn ǵana esepke alyp kelgen bolatyn. Endi sot sheshiminen keıin opsıondar tolyq kólemde esepke alynyp, nátıjesinde Masktyń baılyǵy rekordtyq kórsetkishke jetti.
Ilon Mask baılyǵynyń ósý dınamıkasy:
- 2021 jylǵy qańtar – 190 mlrd dollar;
- 2021 jylǵy qyrkúıek – 200 mlrd dollar;
- 2021 jylǵy qarasha – 300 mlrd dollar;
- 2024 jylǵy jeltoqsan – 400 mlrd dollar;
- 2025 jylǵy qazan – 500 mlrd dollar;
- 2025 jylǵy jeltoqsannyń basy – 677 mlrd dollar;
- Qazirgi ýaqytta – 749 mlrd dollar.
Osylaısha, SpaceX pen Tesla kompanııalarynyń negizin qalaýshy ári ıesi Ilon Mask Forbes jýrnalynyń nusqasy boıynsha álemdegi eń baı adam mártebesin nyq saqtap tur.
