Oblystyq prokýratýranyń baspasóz qyzmetinen málim etkendeı, qadaǵalaý qyzmetiniń basym baǵytynyń biri – ınvestorlardyń quqyǵy men zańdy múddesin qorǵaý.
«Prokýratýra qyzmetkerleri osy jumys aıasynda «Ulttyq ındýstrııalyq munaı-hımııa tehnoparki» arnaıy ekonomıkalyq aımaǵy aýmaǵynda jer ýchaskelerin bólý kezinde problemalyq másele týyndaǵanyn anyqtady.
Atap aıtqanda, arnaıy ekonomıkalyq aımmaqtyń burynǵy qatysýshylarynyń biri kirme jol men avtoturaq salý úshin jer ýchaskesin alǵan. Alaıda keıinnen ol ózge ınvestorlardyń ótýine negizsiz kedergi keltirip, bul jobalardy iske asyrý kezinde eleýli qıyndyq týǵyzdy.
Osynyń saldarynan tizilimge engizilgen ınvestorlar – «IntagoKazahstan», «TenizEcoService» jáne «RGK-Kaspıı» JShS-niń óndiristik obektilerine qol jetkizý múmkindigi shektelip kelgen. Qadaǵalaý aktisin qaraý nátıjesinde daýly jer ýchaskesi memlekettiń menshigine qaıtaryldy», dep habarlady prokýratýranyń baspasóz qyzmeti.
Osylaısha, úsh ınvestordyń quqyǵy qalpyna keltirildi. Arnaıy ekonomıkalyq aımaq aýmaǵynda olardyń qyzmetine kedergi keltirgen tosqaýyl joıyldy.
