Sonyń biri, «Tasashy aýyldyq okrýgi ákiminiń apparaty» MM-niń jańa ákimshilik ǵımaraty 8 aı ishinde salynyp, okrýg turǵyndaryna esigin aıqara ashty. Qurylys jumystaryn «Astana – Qurylys» kompanııasy atqarǵan. 3 gektar aýmaqqa ornalasqan nysannyń qurylys jumystary men abattandyrylýyna bıýdjetten 349,6 mln teńge bólinip, ıgerilgen. Ákimshilik úıi memlekettik qyzmetkerlerge arnalǵan 7 kabınet pen konferes zaldan turady. Olar qajetti zamanaýı qural-jabdyqtarmen qamtamasyz etilgen.
Jańa ǵımarattyń ashylý saltanatyna Almaty oblysy ákimi apparatynyń basshysy Murat Baqytkerimuly, aýdan ákimi Nurbaqyt Teńizbaev, aýdandyq máslıhat tóraǵasy Almasbek Nuǵyman, Raıymbek aýdanynyń Qurmetti azamaty Raqymhan Núptekeev pen mekeme basshylary, qoǵamdyq uıym ókilderi, aýyl turǵyndary qatysty.
«Memleket basshysy Qasym-Jomart Toqaev: «Ádiletti Qazaqstan – eń aldymen, óńirlerdiń teń damýy men aýyldyń órkendeýinen bastalady», degen bolatyn. Bul nysan aýyl turǵyndaryna sapaly memlekettik qyzmet kórsetýge baǵyttalǵan ıgilikti isterdiń bastamasy bolady», degen oblys ákimi apparatynyń basshysy Murat Baqytkerimuly jıylǵan qaýymdy jańa ǵımarattyń ashylýymen quttyqtady.
«Búgin Tasashy aýyly úshin tarıhı ári qýanyshty sát, jańa salynǵan zamanaýı, sándi de sáýletti jańa ǵımarat aýyl turǵyndary úshin úlken jetistik. Bul ǵımaratta mamandar bólmesi, májilis zaly bar, sondaı-aq, ystyq-sýyq sý qosylyp, qyzmetkerlerge qolaıly jaǵdaı jasalǵan. Osyndaı jyly da jaıly orynda memlekettik qyzmetkerler ónimdi ári sapaly qyzmet kórsetetinine senimdemiz», degen aýdan ákimi Nurbaqyt Moldahmetuly ǵımarattyń qurylys jumystaryn sapaly júrgizgen qurysh qoldy qurylysshylarǵa turǵyndar atynan alǵys aıtty.
Kelesi kezekte minbege kóterilgen Raıymbek aýdanynyń Qurmetti azamaty Raqymhan Núptekeev, ardager ustaz Jeńis Qarabalaev, aýyl turǵyny Sársenbaı Mamyrbaevtar ystyq yqylasqa toly izgi tilekterin jetkizip, aq batasyn berdi.
Saltanatty shara barysynda «Astana-Qurylys» kompanııasynyń dırektory Nurlan Qasymbaev Tasashy aýyldyq okrýginiń ákimi Erbolat Tórebaevqa ǵımarat kiltin tabys etti. Kópten kútken sáýletti ǵımarattyń lentasy qıylyp, aq jaýlyqty analar shashý shashty. Al, aýdandyq mádenıet úıiniń ónerpazdary áýelete án shyrqap, merekeniń mańyzyn arttyrdy.
Almaty oblysy,
Kegen aýdany.
