Sýret: ortcom.kz
«Taýarlardyń shyǵýyn rastaýdyń burynǵy mehanızmimen salystyrǵandaǵy tizilimniń basty aıyrmashylyǵy – barlyq úderis tolyq sıfrlandyrylǵan. О́tinishterdi berý, olardy tekserý jáne sheshim qabyldaý tolyǵymen onlaın rejimde júzege asyrylady, bul barlyq kezeńde ashyqtyq pen baqylaýdy qamtamasyz etedi», dedi О́nerkásip jáne qurylys mınıstri Ersaıyn Naǵaspaev.
Ekinshiden, úderis bıýrokratııadan arylady. Júıe basqa memlekettik bazalarmen ıntegrasııalanyp, qujattar sanyn qysqartýǵa, bızneske túsetin ákimshilik júktemeni tómendetýge múmkindik beredi. Úshinshiden, bul qyzmetti memlekettik organdar jeke aýdıtorlar men sarapshylardyń qatysýynsyz tegin kórsetedi.
Mınıstr jańa júıege tıimdi ótý úshin buryn otandyq óndirýshiler mártebesin rastaǵan 1800-den asa ındýstrııalyq sertıfıkattardyń ıeleri atalǵan tizilimge avtomatty túrde aýystyrylǵanyn atap ótti. Bul kompanııalar bir aı ishinde júıede qajetti málimetterdi tolyqtyryp, ótinimdi ESQ arqyly rastaýy qajet. Qazir jańa platformaǵa myńǵa jýyq kompanııa tirkelgen.
