Sýretterdi túsirgender – A.Dúısenbaev, E.ÚKIBAEV
О́ndiris alańyndaǵy ónimdi is
Prezıdent eń aldymen «Tausogar» zaýytyna bardy. №1 Indýstrııalyq parkte ornalasqan kásiporyn qurylys salasyn zamanaýı júk kótergish mashınalarmen jáne mehanızmdermen qamtamasyz etedi.
Qasym-Jomart Toqaev eldegi iri qurylys kompanııalaryna qajetti munara krandary men eskalatorlar óndirisimen tanysty.
Qazir «Tausogar» zaýytynda joǵary bilikti 44 maman eńbek etedi. О́ndiris orny jylyna 200 lıft, 70 eskalator jáne 70 munara kranyn shyǵara alady.
Memleket basshysy eńbek ujymymen áńgimelesý barysynda kásiporynnyń el ınfraqurylymyn damytýǵa qosqan úlesin atap ótip, onyń aldaǵy ýaqytta básekege qabilettiligi arta túsetinine senim bildirdi.
Budan soń Prezıdent Astananyń №1 Indýstrııalyq parkinde ornalasqan birqatar kásiporynnyń qyzmetimen tanysty.
Qasym-Jomart Toqaevqa vınıldi gıpskarton panelin shyǵaratyn «Gıpsvınıl», órt dabyldary, beınekameralar men domofondar óndiretin «QR Systems» zaýyttarynyń ónimderi kórsetildi. Sondaı-aq kórmede «Astana elektrtehnıka» zaýytynyń, «Arystan» Astana qubyr» zaýytynyń, qurylys jáne jol hımııasyna mamandanǵan ARGP kásipornynyń qyzmeti jóninde maǵlumattar usynylǵan.
Buǵan qosa Prezıdentke memleket-jeke menshik seriktestik qaǵıdaty boıynsha paıdalanýǵa beriletin №2 Indýstrıaldyq parkiniń damý perspektıvasy jaıynda baıandaldy. Atalǵan alańda jalpy quny 500 mlrd teńgeden asatyn jáne 8 myńǵa jýyq jańa jumys ornyn ashýǵa múmkindik beretin 100-den asa jobany iske qosý josparlanyp otyr.
Sonymen qatar logıstıkalyq ınfraqurylymdy ilgeriletý baǵytynda belsendi jumys atqarylýda. Sonyń ishinde «Astana-Tehnopolıs» arnaıy ekonomıkalyq aımaǵynda logıstıkalyq park qurylady.
Astananyń jalpyulttyq pýly aıasynda 1,9 trln teńgege 120 joba júzege asyrylady. Osy arqyly 22 myńǵa tarta jumys ornyn ashý kózdelgen.
Sondaı-aq Memleket basshysy shynjyr tabandy jáne dóńgelekti brondy mashınalar shyǵaratyn, sondaı-aq olarǵa tehnıkalyq qyzmet kórsetetin «Besqaru» zaýytyna bardy. Qasym-Jomart Toqaev sehtardaǵy qurastyrý jumystaryn aralap kórip, qorǵanys ónerkásibi keshenine qarasty kásiporynnyń tehnologııalyq prosesterimen, óndiristik múmkindikterimen tanysty.
Kompanııa jylyna 200 brondy tehnıka qurastyrady. Olardyń qatarynda sýdy keship óte alatyn, dóńgelekti Taimas8x8, Aibar 4x4 brondy mashınalary, sondaı-aq Tulpar shynjyr tabandy tehnıkasy bar. «Besqaru» kompanııasy óz ónimin Qorǵanys mınıstrligi men basqa da kúshtik qurylymdarǵa arnap shyǵarady. О́ndiris alańy bıyl aqpan aıynda iske qosyldy. Jalpy quny 13,5 mlrd teńge bolatyn joba aıasynda 134 jumys orny ashyldy.
Memleket basshysy zaýyt qyzmetkerlerimen áńgimelesip, olardyń eńbegi ónimdi bolýyna tilektestik bildirdi.
Balalarǵa barlyq jaǵdaı jasalǵan
Prezıdent toqtaǵan kelesi nysan – Tanym kópfýnksıonaldy kesheni.
Memleket basshysy oqý synyptaryn, horeografııalyq zaldy, kovorkıng-ortalyqty, jasandy ıntellektiniń ınnovasııalyq júıesi engizilgen júzý basseınin, keme modeldeý sheberhanasyn, teatr óneri stýdııasy men sport zaldy aralady.
750 balaǵa qyzmet kórsetetin bul ortalyq balalar men jastardyń talantyn shyńdaýǵa, kóshbasshylyq qabiletin, ǵylymı oılaý júıesi men shyǵarmashylyq áleýetin jetildirýge múmkindik beredi. Joba balalarǵa zamanaýı bilimdi, tehnologııany, mádenıet pen sportty qoljetimdi etýge baǵyttalǵan. Qazir keshende 100-den astam joǵary bilikti pedagog jumys isteıdi.
Qasym-Jomart Toqaev ortalyqtyń ustazdarymen, oqýshylarymen áńgimelesip, balalar men jastar shyǵarmashylyǵyn damytýdyń mańyzyna toqtaldy. Sonymen qatar balalarǵa tabys tiledi.
Elorda nysandaryn aralaý barysynda Memleket basshysy Nura aýdanynda ornalasqan New Generation School Astana jeke menshik bilim mekemesiniń jumysymen tanysty.
1320 oqýshyǵa eseptelgen mektep jaratylystaný-matematıka jáne áleýmettik-gýmanıtarlyq baǵyttarynda bilim beredi. Ásirese, matematıka men aǵylshyn tili tereńdetip oqytylady. Oqý-tárbıe jumysyn uıymdastyrýǵa qajetti barlyq jaǵdaı jasalǵan. Oqýshylar úsh mezgil tamaqtandyrylady. Erekshe bilim alý qajettiligi bar balalarǵa qolaıly orta qarastyrylǵan.
Qasym-Jomart Toqaevqa mektep qurylysynyń bıznesti memlekettik qoldaý sharalary aıasynda boı kótergeni jóninde baıandaldy. Qarjynyń 40 paıyzyn «Damý» qory kredıt retinde bólgen.
Prezıdent oqý kabınetterin, kitaphanany, sport zalyn aralap kórdi.
Sodan soń Memleket basshysy Inklıýzıvti sport ortalyǵynyń qyzmetimen tanysty. Bul – elimizdegi múgedektigi bar adamdarǵa arnalǵan sporttyq, medısınalyq, ońaltý jáne bilim berý ınfraqurylymyn biriktirgen alǵashqy keshen.
Astanada múmkindigi shekteýli 42 myńǵa jýyq azamat turady. Olardyń basym kópshiligi – balalar, jastar men eńbekke qabiletti jastaǵy adamdar. Olar ortalyqta sportpen turaqty túrde shuǵyldanyp, ońaltý kýrsynan óte alady. Osylaısha, áleýmettik ortaǵa boı úıretedi.
Mekemede kóp fýnksıonaldy sport zaly, reabılıtasııa blogi, 15 medısınalyq kabınet, konferens-zal, sondaı-aq alty bólmeli qonaqúı sektory qarastyrylǵan. Munda oqý-jattyǵý jıyny, jarystar men bilim baǵdarlamalary kezinde parasportshylar jaıǵasady. Ortalyqta sporttyń 12 beıimdelgen túrinen jattyǵý júrgiziledi.
Sport jáne bilim salalarynda múmkindigi shekteýli balalarmen jumys isteıtin maman daıarlaýǵa aıryqsha mán beriledi.
