Foto: istockphoto.com
Jańa erejelerge sáıkes, elektromobıl ıeleri úshin eń tómengi tarıfter saqtalady. Shyqqanyna 2 jyl tolmaǵan elektromobıldi tirkeý nebári 1 081 teńge bolsa, 3 jyldan asqandary úshin 1 081 250 teńge tóleý qajet.
Dástúrli qozǵaltqyshy bar jeńil kólikter (M1) úshin alym mólsheri tómendegideı:
- 2 jylǵa deıingi jańa kólikter: 1 081 teńge (0.25 AEK);
- 2-3 jyl bolǵandar: 216 250 teńge (50 AEK);
- 3 jyldan asqandar: 2 162 500 teńge (500 AEK).
Avtobýstar men júk kólikteri úshin (ershikti tartqyshtardy qospaǵanda) eskirý merzimine qaraı tólem 1 081 teńgeden bastalyp, 5 jyldan asqan tehnıkalar úshin 10,8 mln teńgege deıin jetedi.
Aıta keterligi, jańa Salyq kodeksine sáıkes, halyqaralyq tasymalmen aınalysatyn kompanııalar úshin jeńildik qarastyrylǵan: 2028 jylǵa deıin shyqqanyna 7 jyl bolǵan N3 kategorııasyndaǵy ershikti tartqyshtar úshin alǵashqy tirkeý alymy alynbaıdy.
Sonymen qatar kólik ıeleri alǵashqy tirkeý aqysynan bólek tehpasport (1.25 AEK) pen memlekettik nómir (2.8 AEK) úshin jalpy somasy 17 516 teńge tóleıtinin este saqtaýy tıis. Kóliktiń jasy zaýyttyq taqtaıshada kórsetilgen shyqqan jyly boıynsha esepteledi.
