Elordada Jumysshy mamandyqtar jylynyń resmı jabylý rásimi ótti. Is-shara barysynda kolledjderdiń negizgi jetistikteri men bastamalary, jumys berýshilermen birlesken kásibı bilim berýdi damytý jáne jumysshy mamandyqtarynyń bedelin arttyrý baǵytyndaǵy nátıjeler tanystyryldy.
Sonymen qatar kásibı bilim berý salasynyń damýyna eleýli úles qosqan azamattardy marapattaý rásimi ótti.
Osy aıtýly oqıǵaǵa oraı elordanyń Bilim basqarmasy fleshmob uıymdastyryp, oǵan jumysshy mamandyqtar boıynsha bilim alyp jatqan kolledjderdiń 2 000-nan astam stýdenti qatysty. Atap aıtqanda, aspazdar, barmender, tiginshiler, slesarlar men elektrmontajshylar aksııaǵa belsene atsalysty.
Qatysýshylar arnaıy osy is-shara úshin jazylǵan «Júrek qalaýy» ánin oryndady. Bul án aldaǵy ýaqytta jumysshy mamandyqtary boıynsha bilim alyp jatqan barlyq stýdenttiń ortaq ánuranyna aınalady.
