Oqýdy aıaqtaǵan 53,5 myń jumyssyz azamattyń qatarynda Túrkistan oblysy alda tur. О́ńirde 3,5 myń adam onlaın oqýdan ótken. Tizimde Qyzylorda, Qostanaı oblystary, Almaty qalasy men Almaty oblysy da aldyńǵy qatarda. Platforma iske qosylǵaly beri avtorlar túrli baǵyttarda 1 000-nan astam kýrs jarııalaǵan. Onyń ishinde 375 sabaq tegin. Sondaı-aq odan ári oqý úshin bilim berý alańdaryna aýysý múmkindigimen Courstore, Fluent Education, Iаndeks Qazaqstan seriktesteriniń kýrstary bar. Sabaqtardyń uzaqtyǵy 6-dan 72 saǵatqa deıin. Oqyp sertıfıkat alamyn degen adamǵa esh qıyndyǵy joq. Úıden shyǵyp, oqytatyn adammen tikeleı júzdesemin dep te áýre bolmaısyz.
Keıingi aılardaǵy eń tanymal kýrstardyń ishinde «IT jáne telekommýnıkasııa», «Aspaz-kondıter», «Seniń mansaptyq bastamań: «Elektrondyq eńbek bırjasyn qalaı paıdalanýǵa bolady», «Jumysshylardy basqarý», «Pishý jáne tigý» syndy sabaqtar bar. Qýantarlyǵy, platformada áleýmettik qyzmet kórsetý, basqa da salalardaǵy túrli mamandyqtar jónindegi tegin kýrstardyń sany únemi artyp otyrady. Mysaly, bıyl Jumysshy mamandyqtar jylyna oraı mektep túlekteri men tehnıkalyq, kásiptik bilim berý uıymdarynyń stýdentterine «Seniń mansaptyq bastamań: «Elektrondyq eńbek bırjasyn qalaı paıdalanýǵa bolady» atty kýrs ornalastyrylǵan. Dál osy arnaıy sabaqtar jastardyń mamandyq tańdaýyna járdemdesedi. Olar sabaqta jumys izdep, ózindik daǵdylaryn qalyptastyrýdy úırenedi. Sondaı-aq elektrondyq eńbek bırjasynyń quraldaryn tıimdi qoldanyp, bos jumys oryndaryn tabý, biliktilikti arttyrý, basqa da múmkindikterdi erte bastan bilip ósedi. Búginde 375 myńnan astam mektep oqýshysy men stýdent atalǵan oqytýdan ótken.
Negizi platforma halyqtyń bilim deńgeıi men kásibıligin arttyrýǵa, mansaptyq damýdy yntalandyrýǵa, «ómir boıy oqytý» tujyrymdamasyn ilgeriletýge baǵyttalǵan. Ári júıe qyzmetter naryǵy qaǵıdatyna sáıkes onlaın kýrstarǵa qol jetkizýdi usynatyn halyqaralyq oqytý alańdaryna uqsas qurylǵan. Oqý elektrondyq eńbek bırjasyndaǵy «Onlaın oqytý» bóliminde qoljetimdi. Platformada el azamattary oqytýdyń tilin, materıaldy berýdiń yńǵaıly tártibin ózderi derbes tańdaıdy. Bilim berý úderisinde óziniń qalaı ilgerilep jatqanyn da baqylaı alady. Júıeniń bilim alýshyǵa artyqshylyǵy kóp. Mysaly, keńeıtilgen kýrstardy izdeý jeńil ári kýrs avtorlarymen jyldam habar almasýǵa bolady. Jasandy ıntellekt kómegimen chat-bot ta qoljetimdi.
Eskeretin jaıt, oqý aıaqtalǵan soń bilim alýshy 70% shekti deńgeımen test tapsyrýǵa tıis. Testileýden sátti ótip, onlaın kýrsty aıaqtaǵan jaǵdaıda ǵana daǵdylardy ıgergeni týraly sertıfıkat beriledi. Kýrs aıaqtalǵannan keıin bilim alýshylardyń kýrsty baǵalaýy da mindetti talaptardyń biri.
Platformanyń taǵy bir artyqshylyǵy, oqýdan sátti ótkenińizdi rastaıtyn sertıfıkatty júkteý barysynda ıgergen daǵdyńyzǵa qaraı Enbek.kz-te bos jumys oryndaryna qatysty usynystar shyǵady. Ol sertıfıkat elektrondyq eńbek bırjasyna tirkelgende bilim alýshy jasaǵan túıindemede de avtomatty túrde kórsetiledi.
