О́nerkásip jáne qurylys mınıstrliginiń derekteri boıynsha elimizde 17 arnaıy ekonomıkalyq jáne 66 ındýstrııalyq aımaq jumys isteıdi, onda jeke ınvestısııa kólemi 5,7 trln teńgeden asatyn jáne 57,2 myńnan astam jumys ornyn ashýǵa múmkindik beretin 860 joba júzege asyryldy.
О́nerkásip alańdarynyń ınvestısııalyq tartymdylyǵyn aıqyndaý kezinde ınfraqurylymnyń daıyndyǵy mańyzdy másele bolyp otyrǵany atap ótildi. Osyǵan baılanysty qosymsha ınfraqurylymnyń, onyń ishinde qosalqy stansalar men kólik jelileriniń qurylysy belsendi túrde júzege asyrylyp keledi.
Úkimet respýblıkalyq bıýdjetke túsetin júktemeni azaıtý úshin halyqaralyq qarjy uıymdarymen yntymaqtastyqty qosa alǵanda, bıýdjetten tys qarajat tartý boıynsha sharalar qabyldap otyr.
2030 jylǵa deıin ınfraqurylymmen qamtamasyz etý arqyly AEA jáne IA aýmaqtarynda shamamen 200-den astam jańa jobany júzege asyrý josparlanǵan, bul jańa jumys oryndaryn qurýǵa, óńdeý ónerkásibiniń ósýin qamtamasyz etýge múmkindik beredi. Sondaı-aq óńdeý ónerkásibinde 2025–2029 jyldar aralyǵynda 140 joba paıdalanýǵa berilmek.
Tutastaı alǵanda, osy jobalardy júzege asyrý óńdeý salasynyń jalpy qosylǵan qunyn ulǵaıtý arqyly el ekonomıkasyna úles qospaq.
Premer-mınıstr Ulttyq ekonomıka, О́nerkásip jáne qurylys, Qarjy mınıstrlikterine kelesi jyly 15 qańtarǵa deıin «Báıterek» holdıngine qarjylandyrý kózderi boıynsha túpkilikti sheshimdi berýdi, AEA men IA-ǵa qajetti ınfraqurylymdy júrgizý jobalaryn júzege asyrýǵa dereý kirisýdi tapsyrdy.
