«Qalamyzda sport salasyna erekshe kóńil bólinip keledi. Turǵyndardyń sportpen aınalysýyna jaǵdaı jasalyp, zamanaýı alańdar salynyp jatyr. Jyl basynan beri qala sportshylary respýblıkalyq jáne oblystyq jarystarda 417 medal, onyń 111-i altyn, 113-i kúmis jáne 193-i qola jeńip aldy. Bul jetistikter – sizderdiń qajyrly eńbekterińizdiń jemisi ǵana emes, jattyqtyrýshylar men otbasy músheleri qoldaýynyń nátıjesi», dedi shahar basshysy.
Bul kúni ákimniń Alǵys haty men aqshalaı syılyq 80-nen astam sportshyǵa tabystaldy. Onyń ishinde pankratıonshylar, shahmatshylar, kúresshiler, para qol kúresinen jeńimpazdar, boksshylar, fýtbolshylar, jelkendi qaıyqpen aınalysatyndar bar.
Bıylǵy jyly buqaralyq sportty damytý maqsatynda qalanyń 15 aýmaǵynda kúndelikti dene shynyqtyrýǵa arnalǵan vorkaýt alańdary salyndy. Odan bólek, byltyr «Krossfıt» alańy qoldanysqa berildi. Sondaı-aq osy jyly jaǵajaı sportyna arnalǵan alań jóndeýden ótip, jańa kelbetke endi. Qalada balalar men jasóspirimderge arnalǵan sport mektebi jumys isteıdi. Túrli aqyly úıirmelerge de qatysýǵa múmkindikter ashylǵanyn aıryqsha ataý mańyzdy.
