Foto: Danııar Joldoshbektiń kartınasy
Jarlyqqa sáıkes Almazbek Atambaev «Qyrǵyz Respýblıkasynyń Batyry» eń joǵary erekshelik dárejesinen, II dárejeli «Manas» ordeninen, «Danaker» ordeninen jáne «Dańq» medalinen aıyryldy. Sonymen qatar osy nagradalardy berý týraly buryn qabyldanǵan birqatar prezıdenttik qujattardyń kúshi joıyldy.
Atap aıtqanda, 1999 jylǵy 22 sáýirdegi «Dańq» medaline, 2007 jylǵy 27 qarashadaǵy «Dáneker» ordenine, 2011 jylǵy 30 qarashadaǵy memlekettik nagradalar týraly jarlyqtyń bir tarmaǵyna jáne 2017 jylǵy 27 qarashada «Qyrǵyz Respýblıkasynyń Batyry» ataǵyn berý jónindegi qujatqa qatysty sheshimder kúshin joıdy.
Jarlyqqa sáıkes Bas prokýratýra janyndaǵy sot oryndaýshylary qyzmetine atalǵan nagradalar men olardy rastaıtyn qujattardy alyp, memlekettik nagradalar qoryna ótkizý tapsyryldy. Qujat 29 jeltoqsannan bastap kúshine endi.
Buǵan deıin Almazbek Atambaev sot úkimimen 11 jyl 3 aıǵa bas bostandyǵynan aıyrylyp, múlkin tárkileý jáne memlekettik nagradalarynan aıyrý jazasyna kesilgen edi. Ol Bishkek jylý elektr ortalyǵyn jańǵyrtý kezinde zańsyz baıý, 2019 jylǵy 7–8 tamyzda Qoı-Tash aýylynda bolǵan jappaı tártipsizdikter jáne jer telimderin zańsyz alý aıyptary boıynsha kináli dep tanyldy.
Bul is boıynsha burynǵy Jogorký Kenesh depýtattary, prezıdent apparatynyń eks-basshysy Farıd Nııazov, Bishkektiń burynǵy ákimi Albek Ibraımov, ishki ister mınıstrliginiń eks-basshysy Abdylda Sýranchıev jáne basqa da tulǵalar ártúrli merzimge sottalǵan. Sot prosesi bes jyldan astam ýaqytqa sozylǵan.
