Foto: narkesken.kz
Marapattaý is-sharasyna mınıstrlik apparatynyń basshysy Bolat Tókejanov qatysyp, jedel járdem feldsherlerine janqııarlyq eńbegi, erligi men mamandyqqa adaldyǵy úshin alǵysyn bildirdi.
«Búgin biz medısınanyń aldyńǵy shebinde eńbek etip, sanaýly mınýttar ishinde sheshim qabyldap, tótenshe jaǵdaılarda adam ómirin saqtap qalatyn jedel járdem feldsherlerine qurmet kórsetý úshin jınaldyq. Bul – jaı ǵana marapattaý rásimi emes, tereń alǵys pen qoǵamdyq moıyndaýdyń kórinisi», dedi Densaýlyq saqtaý mınıstrliginiń apparat basshysy Bolat Tókejanov.
Densaýlyq saqtaý mınıstrliginiń buıryǵyna sáıkes 24 feldsherge vedomstvolyq nagrada tabystaldy.
Atap aıtqanda, 4 feldsher «Densaýlyq saqtaý isiniń úzdigi» tósbelgisin, 11 feldsher «Densaýlyq saqtaý salasyn damytýǵa qosqan úlesi úshin» belgisin (onyń ishinde bireýi qaıtys bolǵannan keıin) ıelendi. Al 9 feldsher Qurmet gramotasymen marapattaldy.
Aıta keteıik, buǵan deıin elordada feldsher Uldana Myrzýanǵa arnalǵan eskertkish taqta ornatylǵan edi.
Sondaı-aq Astanada medısınalyq kolledjdegi dárishanaǵa Uldana Myrzýannyń esimi beriletini habarlanǵan.
