Foto: istockphoto.com
Úkimet basshysynyń málimetinshe, 2026 jyly qoldanysqa beriletin jańa vagondar kelesi marshrýttar boıynsha bólinedi:
- Astana – Shymkent (№85/86) – eki quram;
- Astana – Atyraý (№47/48) – eki quram;
- Astana – Jezqazǵan (№65/66) – bir quram.
Sonymen qatar 2026 jyldyń sáýir aıynan bastap «Qaraǵandy – Jezqazǵan» poıyzynyń baǵytyn Aqtaý qalasyna deıin uzartý josparlanǵan. Vagondardy jańartý kezeń-kezeńimen júzege asyrylady. Atap aıtsaq, 2026 jyly barlyǵy 191 vagon, 2027 jyly – 104, 2028 jyly – 105, 2029 jyly – 104 jáne 2030 jyly 102 vagon paıdalanýǵa beriledi.
Temirjoldan bólek, áýe qatynasyn damytýǵa da basymdyq berilmek. 2026 – 2028 jyldar aralyǵynda Aqtaý qalasynan Qostanaı, Qaraǵandy, Atyraý, Aqtóbe, Oral, Petropavl jáne Taraz qalalaryna qatynaıtyn áýemarshrýttardy qoldaý úshin qosymsha qarjy bólý kózdelgen.
