Ystanbul tórinde qazaq áýeni qalyqtady

Qazaq óneriniń jaý­harlary oryndalǵan bul kesh eki el ara­syndaǵy mádenı baılanys­tardy odan ári tereńdetken mańyzdy oqıǵaǵa aınaldy. Konsert baǵdarlamasy ulttyq dástúr men zamanaýı mý­zykalyq izdenisterdiń úı­lesimin aıqyn kórsetti. Sah­nada respýblıkalyq jáne ha­lyqaralyq baıqaýlardyń laý­reattary, tanymal ári jas ónerpazdar óner kórsetip, qazaq mýzykasynyń tereńdigi men kórkemdik qýatyn áıgiledi. Kesh barysynda dástúrli án-kúı jańasha óńdeýde usynylyp, kórermenge erekshe áser syılady. Atap aıtqanda, kúı atasy Qurmanǵazy Saǵyrbaıulynyń órshil kúıleri, sal-serilik dás­túrdiń kórnekti ókili Úkili Ybyraıdyń syrly ánderi, qobyz sarynymen máńgilikti tolǵaǵan Qorqyttyń murasy, ult rýhyn jyrlaǵan Sáken Seıfýllın shyǵarmalary men Nurǵısa Tilendıevtiń zamanaýı ulttyq mýzykasy oryndaldy. Sonymen qatar qazaq jáne túrik halyq ánderi áýelep, eki halyqtyń tarıhı-mádenı ta­my­rynyń ortaqtyǵyn aıqyn sezdirdi.

Keshke jınalǵan kórermen qaýym qazaq óneriniń tereń fılosofııasyna, áýen men yrǵaqtyń baı boıaýyna tánti boldy. Árbir oryndalǵan shyǵarma ulttyq bolmys pen rýhty tanytyp, sheteldik tyńdarmanǵa qazaq halqynyń tarıhy men dúnıetanymynan syr shertti.

Atalǵan mádenı is-shara Qazaqstannyń mýzykalyq murasyn halyqaralyq arenada nasıhattaýǵa, sondaı-aq qazaq-túrik arasyndaǵy mádenı-gýmanıtarlyq ynty­maqtastyqty nyǵaıtýǵa ba­ǵyt­tal­ǵan mańyzdy qadam boldy. Ystanbul tórinde ótken bul konsert qazaq óneriniń álemdik mádenı keńistiktegi orny aıqyn ekenin taǵy bir márte dáleldedi.