О́ńdeý ónerkásibinde bıylǵy qorytyndy boıynsha naqty kólem ındeksi (NKI) 6% deńgeıinde ósýi múmkin. Keler jyly elimizdiń 2029 jylǵa deıingi ulttyq damý jospary sheńberinde nysanaly kórsetkish 6,2% deńgeıinde bolady dep belgilendi.
О́ńdeý salasynyń negizgi draıveri sanalatyn metallýrgııada óndiristiń ósýi 2026 jyly 3% deńgeıinde josparlanyp otyr. О́nim kólemi, eń aldymen, bıyl jáne byltyrlary iske qosylǵan «Kyzyl Aray Copper», «EkibastuzFerroAlloyse», «Kazferrolimited», «Shagala Mining» pen taǵy da basqa zaýyttardyń jobalyq qýatynyń artýy esebinen ulǵaıady. Qara metallýrgııada ferroqorytpa, bolat, jalpaqtap jaımalanǵan temir men shoıyn óndirisin, tústi metallýrgııada altyn, mys, alıýmınıı, myrysh óndirisin ulǵaıtý josparlanyp otyr.
Mashına jasaýda kelesi jylǵy josparly ósý kórsetkishi 13,4% deńgeıinde belgilendi. Bul kórsetkishke bıyl iske qosylǵan «Astana Motors Manufacturing Kazakhstan» JShS men «KIA Qazaqstan» JShS arqyly jeńil avtomobıl óndirý kólemin 17%-ǵa ulǵaıtý esebinen qol jetkizilgeli otyr. Budan basqa, aýyl sharýashylyǵy tehnıkasyn shyǵarý 5%-ǵa ósedi dep josparlanǵan.
Aıryqsha atap óterligi, 2025 jyldyń qorytyndysynda 436,5 myń birlik turmystyq tehnıka shyǵarylmaqshy. Bul 2024 jylmen salystyrǵanda 1,5 ese artyq. Teledıdar, kir jýǵysh mashına, plıta pesh pen taǵy da basqa turmystyq tehnıkany elimizde ««Silk road electronics» JShS, «Almaty turmystyq tehnıka zaýyty» JShS jáne «DS Multimedia CA» JShS shyǵarady. Kelesi jyly turmystyq tehnıkany bıylmen salystyrǵanda 1,5 ese kóp óndirý josparlanyp otyr.
2026 jyly hımııa ónerkásibi óndirisiniń ósýi 7% deńgeıinde bolady dep kútilýde. Ol kúkirt qyshqyly, natrıı sıanıdi, sýtegi asqyn totyǵy men suıyq shyny sekildi jańa qýattardy engizý arqyly júzege asyrylady.
Qurylys materıalyn óndirýde bıyl otandyq taýar óndirýshilerdiń ishki naryqtaǵy úlesi 70%-ǵa jetti. Portlandsement, keramıkalyq taqtaısha, temirbeton men taýarlyq beton óndirisi draıverge aınalady. Rezervter arasynda Shymkenttegi keramıkalyq taqtaısha shyǵaratyn jańa zaýyt pen sement zaýyty bar. Bıyl sement óndirisi rekordtyq kólemde ósedi. Keler jyly kásiporyndar jobalyq qýatyna shyqqan saıyn ósý de jalǵasady.
Saýda salasynda 2025 jyldyń qorytyndysy boıynsha taýar aınalymy nomınaldyq mánde 108,9%-ǵa deıin ósedi. Kelesi jylǵy nysanaly kórsetkish 106,5% ósimmen 92,4 trln teńgeni quraıdy.
О́sim munaı men munaı ónimderin óndirý kólemin saqtaý, azyq-túlik pen azyq-túlik emes taýarlardy qaıta óńdeýdiń aýqymdy baǵdarlamasyn iske qosý, sondaı-aq Qytaı baǵytyn qosa alǵanda, kóterme eksporttyq saýdaǵa baǵdarlanǵan tórt iri B2B alańynyń jumysyn tolyqtaı bastaý arqyly júzege asyrylady.
Aýyl sharýashylyǵynda kelesi jyly azyq-túlik pen sýsyn óndirisinde joǵary ósim bolýy múmkin. Ol tıisinshe 109% ben 109,3%-dy quramaq.
Keńes sońynda vıse-premer ortalyq memlekettik organdarǵa ónerkásiptik ósýdiń josparly kórsetkishine qol jetkizip, negizgi ınvestısııalyq jáne ınfraqurylymdyq jobalardy júzege asyrý úshin, qosymsha rezervterdi pysyqtap, aýyl sharýashylyǵynda, saýda men kólikte turaqty ósý serpinin qamtamasyz etýge basa nazar aýdara otyryp, salalardy damytýdyń jol kartasyn ázirlep, usynýdy tapsyrdy.
