Foto: istockphoto.com
О́ńirdegi polısııa departamenti kúsheıtilgen qyzmet kórsetý rejımine kóshti. Tártip saqshylary jol qozǵalysyna qatysýshylardan kúrdeli meteorologııalyq jaǵdaıdy eskerýdi, alys saparlardan bas tartýdy jáne jol qaýipsizdigi erejelerin qatań saqtaýdy suraıdy.
«QazAvtoJol» málimetinshe, Astana – Qaraǵandy jolynan bólek, kelesi baǵyttarda da qozǵalys shektelgen:
- «Qyzylorda – Jezqazǵan – Qaraǵandy – Shiderti»: Qaraǵandy qalasynan Pavlodar oblysynyń shekarasyna deıin (970–1135 km) jáne oblys shekarasynan Shiderti kentine deıin (1135–1206 km).
- «Astana – Kókshetaý – Petropavl – RF shekarasy»: Kókshetaý qalasynan Kellerovka aýylyna deıin (304–367 km).
- «Kókshetaý – Rýzaevka»: Kókshetaý qalasynan Saýmalkól aýylyna deıin (0–91 km).
- «Kókshetaý – Kishkenekól – Bıdaıskıı»: Kókshetaýdan Chkalovo aýylyna deıin (2–85 km).
- «Qostanaı – Áýlıekól – Surǵan»: Tobyldan Áýlıekólge deıin (8–108 km).
- «Qaraǵandy – Aıagóz – Tarbaǵataı – Boǵas»: Qaraǵandydan Qarqaralyǵa deıin (17–217 km).
Joldardy ashýdyń boljamdy ýaqyty:
- Aqmola jáne Soltústik Qazaqstan oblystarynda: 30 jeltoqsan saǵat 12:00-de.
- Qaraǵandy, Pavlodar jáne Qostanaı oblystarynda: 30 jeltoqsan saǵat 15:00-de.
Eske sala keteıik, buǵan deıin «Qazgıdromet» birqatar óńirlerde, sonyń ishinde Aqmola, Qaraǵandy, Pavlodar jáne Soltústik Qazaqstan oblystarynda boran men kóktaıǵaqqa baılanysty daýyldy eskertý jarııalaǵan bolatyn.
