Ekonomıka • 30 Jeltoqsan, 2025

Bıyl el ekonomıkasyndaǵy ósim sońǵy on jyldaǵy eń joǵary kórsetkishke jetti

20 ret

kórsetildi

1 mın

oqý úshin

2025 jyl elimiz úshin eleýli saıası jáne áleýmettik-ekonomıkalyq jańǵyrýlarǵa toly boldy. Jyl qorytyndysy boıynsha ekonomıkalyq ósim 6 paıyzdan asady dep boljanyp otyr. Bul týraly Prezıdenttiń kómekshisi – Baspasóz hatshysy Rýslan Jeldibaı telegram arnasynda málimdedi. Atalǵan nátıje – sońǵy on jyldaǵy eń joǵary kórsetkish, dep jazady Egemen.kz.

Dana MYRZAQADIR

Bıyl el ekonomıkasyndaǵy ósim sońǵy on jyldaǵy eń joǵary kórsetkishke jetti

Foto: Ashyq derekkózden

Qazaqstan tarıhynda tuńǵysh ret ishki jalpy ónim kólemi 300 mıllıard dollardan asady. Ol jan basyna shaqqanda 15 myń dollardan keledi. Elimizde jalpy quny 1478,1 mıllıard teńgeni quraıtyn 185 joba paıdalanýǵa berildi.

22,8 myńnan astam turaqty jumys orny ashyldy. Jobalardyń barlyǵy tolyq qýatyna kóshken kezde ekonomıkaǵa aıtarlyqtaı serpin beredi.

О́ndiris kólemi 2,3 trıllıon teńgege jýyqtaıdy. 2025 jyly Prezıdent Dostyq – Moıynty temir jolynyń ekinshi jelisin, Qostanaı oblysyndaǵy KIA Qazaqstan avtokólik zaýytyn iske qosty.

Sonymen qatar Memleket basshysy Shymkent jáne Qyzylorda áýejaıynyń jańa termınaldaryn aralap kórip, Astanadaǵy Stadler Kazakhstan zaýyty shyǵarǵan alǵashqy jolaýshylar vagonymen tanysty.

Budan bólek, qara jáne tústi metallýrgııa, hımııa, sellıýloza-qaǵaz, jeńil jáne taǵam ónerkásibinde, qurylys ındýstrııasynda birqatar joba iske qosyldy.