Sýretti túsirgen – Erlan OMAR, «EQ»
Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetinshe, ataýly áleýmettik kómekti az qamtylǵan 2 663 otbasy (11 606 adam) alady. О́ńirde qazirgi ýaqytta 11 089 kópbalaly otbasy memlekettik járdemaqy alyp otyr. Aımaqta 29,8 myń múgedek adam turady. Áleýmettik ońaltý maqsatynda múgedektigi bar adamdar tehnıkalyq kómekshi quraldarmen, áleýmettik qyzmettermen qamtylǵan.
– Bıyl múgedektigi bar tulǵalar 23,3 myń ótinish berip, onyń 21,6 myńy oryndaldy. Atap aıtqanda, 2 282 protezdik-ortopedııalyq buıym, 784 kreslo-arba, 1 396 tıflotehnıkalyq, 516 sýrdotehnıkalyq qural, 11,8 myń mindetti gıgıenalyq qural berildi. Sondaı-aq múmkindigi shekteýli 2 792 adamǵa sanatorıı-kýrorttyq emdeý qyzmetteri kórsetildi. Birinshi toptaǵy 1 544 múgedekke jeke kómekshi, 441 adamǵa estý qabileti buzylǵan ymdaý tili mamanynyń qyzmetteri kórsetilip otyr, – dedi basqarma basshysynyń orynbasary Álııa Rahymova.
Budan bólek, múmkindigi shekteýli balalardy úıde oqytýǵa jumsalatyn shyǵyndardy toqsan saıyn 8 AEK mólsherinde óteý kózdelgen. Jyl basynan 23,9 mln teńge somasyna 483 balaǵa tólem júrgizilgen. Sonymen qatar jergilikti ókildi organdardyń (máslıhattardyń) sheshimimen múgedektigi bar adamdarǵa áleýmettik tólemder túrinde áleýmettik qoldaý kórsetilip keledi. I, II toptaǵy múgedektigi bar 16,1 myń adam, sondaı-aq 18 jasqa deıingi múgedek balalar jalpy somasy 619,5 mln teńgege ártúrli tólemmen qamtylǵan.
Pavlodar qalasynda úkimettik, óńirlik deńgeıde birneshe baǵdarlama júzege asyrylyp jatyr. Jumyspen qamtý, kásipkerlikti damytý baǵdarlamalary – qysqamerzimdi kýrstar, granttar, jeńildetilgen nesıeler júzdegen adamnyń kásip ashýyna negiz bolǵan.
Muqtaj otbasylardy baspanamen qamtý baǵytyna da basa mán berilip otyr. Bıyl osyndaı azamattarǵa kommýnaldyq turǵyn úı qorynan 58 páter berilgen, onyń ishinde kópbalaly otbasylar sany – 27. Turǵyn úı baǵdarlamalary aıasynda 115 azamat kredıttik turǵyn úı satyp alǵan.
Ekibastuz qalasynda 336,9 mln teńge somasyndaǵy ataýly áleýmettik kómek 636 otbasyna berilgen. 335 otbasyna turǵyn úı kómegi kórsetilse, «Qamqorlyq» qaıyrymdylyq aksııasy sheńberinde halyqtyń áleýmettik osal toptary qataryndaǵy adamdarǵa (otbasylarǵa) jalpy somasy 65 mln teńgege materıaldyq, qarjylaı qoldaýlar jasalǵan. Kenshiler qalasynyń bıligi bıyl kezekte turǵan 31 azamatty turǵyn úımen qamtamasyz etken. Odan bólek, 79 páter bólýge «Otbasy bank» AQ-ǵa qujattar jóneltilgen.
Jelezın aýdanynyń ákimi Aıtýǵan Shaıhımovtyń sózinshe, muqtaj shańyraqtardy qoldaý óz deńgeıinde júrgizilip keledi. Bul óńirde 154 kópbalaly otbasy, 566 múgedektigi bar azamat, 60 múgedektigi bar bala, tabysy kedeılik sheginen tómen 37 otbasy turady.
– Bıyl az qamtylǵan otbasylarǵa kómir satyp alýǵa 6,3 mln teńge, múgedektigi bar adamdarǵa kommýnaldyq qyzmet shyǵyndaryn óteýge (571 adamǵa) 8,9 mln teńge qarajat bóldik. I, II top múgedektigi bar 360 adamǵa, múgedektigi bar balalardy tárbıelep otyrǵan otbasylarǵa jalpy somasy 7 mln teńgeden astam birjolǵy járdemaqy berildi. Jalpy bıyl 27,2 mln teńgege kómek túrleri kórsetildi, – deıdi ákim.
Aýdan kásipkerleri muqtaj azamattarǵa turaqty túrde qaıyrymdylyq kómegin kórsetip keledi. Aǵymdaǵy jyly olar qatty otyn, azyq-túlik, mal azyǵy túrinde 13 mln teńgeden astam qoldaý jasaǵan. Bir ǵana «789 KZ» JShS basshysy A.Karkenova 4 páterdi satyp alyp jóndep, olardy muqtaj otbasylarǵa bergen.
Sharbaqty aýdany da baspanamen qamtý turǵysynan aldyńǵy orynnan kórindi. Munda bıyl 110 adam jańa baspanaǵa ıe boldy. Olarǵa arnap úsh kóppáterli úıler turǵyzylyp, janynan sport alańdary, balalarǵa arnalǵan oıyn alańdary salyndy. Bul ıgilikter adamı kapıtaldy damytýǵa, halyqtyń jaıly ómir súrýine arnalǵan.
Pavlodar oblysy
