Foto: istockphoto.com
Densaýlyq saqtaý mınıstri Aqmaral Álnazarova men Japonııanyń Qazaqstandaǵy Tótenshe jáne О́kiletti Elshisi Iıdzıma Iаsýsama úkimetaralyq kelisimdi iske asyrý týraly qujatqa qol qoıdy. Bólingen qarajat Abaı oblysynyń medısınalyq ınfraqurylymyn damytýǵa jumsalady. Joba aıasynda mynadaı jabdyqtar satyp alý josparlanǵan:
- Magnıtti-rezonanstyq tomograf;
- Kompıýterlik tomograf;
- Endoskopııalyq qurylǵylar;
- Reanımasııalyq jáne basqa da qajetti jabdyqtar.
Densaýlyq saqtaý mınıstrliginiń málimetinshe, bul qadam aımaqtyq deńgeıde mamandandyrylǵan jáne joǵary tehnologııalyq medısınalyq kómek kórsetý múmkindikterin aıtarlyqtaı keńeıtedi. Bul ásirese polıgon zardabyn shekken azamattar úshin áleýmettik jáne gýmanıtarlyq mańyzǵa ıe.
Sonymen qatar Japonııa Qazaqstanǵa «Shóp tamyry» (Kornı travy) baǵdarlamasy arqyly da qoldaý kórsetip keledi. Qazirgi ýaqytta eki el arasynda klınıkalyq zertteýlerdi, kadrlar daıarlaýdy jáne jasandy ıntellekt negizindegi telemedısınalyq sheshimderdi biriktiretin «Japan-Kazakhstan Medical Hub» jobasyn qurý máselesi qarastyrylyp jatyr.
