AQSh-ta bıznestiń 39%-y áıelderge tıesili. 24.kz jazýynsha, elde shamamen 14 mıllıon kásiporyn áıelderge qaraıdy. Mundaı derekter Wells Fargo kompanııasynyń 2024 jylǵy «Áıelderdiń bızneske yqpaly» atty esebinde keltirilgen.
Sarapshylardyń baǵalaýynsha, bul kórsetkish alty jyl burynǵy deńgeıden 13%-ǵa joǵary. О́sim erler men áıelderdiń eńbek naryǵyna qatysý deńgeıi arasyndaǵy alshaqtyqtyń birtindep azaıýymen baılanysty. AQSh Eńbek statıstıkasy bıýrosynyń málimetine sáıkes, búginde áıelder eldiń ekonomıkalyq belsendi halqynyń jartysyna jýyǵyn quraıdy.
SQO-daǵy shaǵyn jáne orta bıznestiń jartysyna jýyǵyn áıelder basqarady
О́z isin ashqan kásipker áıelder qosymsha qarjylyq resýrstarǵa, sonyń ishinde memlekettik kepildikpen beriletin nesıelerge qol jetkize alady. Mundaı nesıelerdiń shamamen 36%-y áıelderge tıesili kompanııalarǵa beriledi. Forbes dereginshe, nesıeniń eń joǵary somasy 5,5 mıllıon AQSh dollaryna deıin jetip, merzimi 5 jyldan 25 jylǵa deıingi aralyqty qamtıdy.
Sonymen qatar elde Women’s Business Centers jáne National Association of Women Business Owners sekildi uıymdar jumys isteıdi. Memlekettiń qatysýymen qurylǵan bul qurylymdar keńes berip, oqytý júrgizip, áıelderge kásipkerlik jolyndaǵy alǵashqy qadamdaryn jasaýǵa kómektesedi.
