Eń kóp shaqyrtý Almaty qalasynda, Túrkistan oblysynda jáne Astanada tirkelgen.
Shaqyrtýlardyń negizgi úlesi myna aýrý túrlerine tıesili boldy:
– Tynys alý júıesi aýrýlary – 1 778 189 (23,8%);
– Júrek-qan tamyrlary aýrýlary – 1 434 483 (19,2%);
– О́zge aýrýlar – 1 249 223 (16,7%);
– Jaraqattar, ýlanýlar jáne jazataıym oqıǵalar – 735 183 (9,8%), onyń ishinde jol-kólik oqıǵalary – 40 972;
– Júıke júıesi aýrýlary – 714 915 (9,6%).
Esepti kezeń qorytyndysy boıynsha sátti reanımasııa kórsetkishi 8,2%-ǵa ósip, 60,3%-dy qurady. Jedel sanattaǵy shaqyrtýdy brıgadaǵa berý ýaqyty orta eseppen 1,7 mınýt, al birinshi shuǵyl sanaty boıynsha jetý ýaqyty 8,8 mınýt boldy.
Jaraqattarǵa baılanysty 685 503 shaqyrtý, sonyń ishinde 40 972-si jol-kólik oqıǵalary boıynsha tirkelgen. JKO saldarynan 52 097 adam zardap shekken, olardyń 64,3%-y aýrýhanaǵa jetkizilgen. Qaza tapqandardyń úlesi zardap shekkenderdiń 2,4%-yn qurady. JKO kezinde jedel járdemniń ortasha jetý ýaqyty – 8 mınýt.
Jedel mıokard ınfarktisi boıynsha 27 378 shaqyrtýǵa qyzmet kórsetilip, kórsetilim bolǵan jaǵdaılardyń 89,9%-ynda trombolıtıkalyq terapııa júrgizilgen. Insýlt boıynsha 52 207 shaqyrtý tirkeldi. Naýqastardy ınsýlt ortalyqtaryna belgilengen merzimde jetkizý kórsetkishi qalada 97,9%, aýyldyq jerlerde 88,5% boldy.
Qazirgi tańda el boıynsha bir aýysymda 1 618 jedel járdem brıgadasy jumys isteıdi. Onyń 258-i dárigerlik, 1 360-y feldsherlik brıgadalar. Jedel járdem qyzmetiniń kadrmen qamtylý deńgeıi 86,8%, onyń ishinde dárigerlermen – 74,8%, orta býyn medısına qyzmetkerlerimen – 88,1%.
