Foto: Astana ákimdigi
Astana qalasynyń Tótenshe jaǵdaılar departamentiniń málimetinshe, aýa raıynyń kúrt jylynýy saldarynan Esil ózenindegi muzdyń qalyńdyǵy juqarǵan. Qazirgi ýaqytta ózen arnasyndaǵy muzdyń qalyńdyǵy 22 santımetrdi quraıdy, al keıbir ýchaskelerde (Ortalyq jaǵajaı aýmaǵynda) 35–37 santımetrge jetedi.
Osyǵan baılanysty jańa jyl merekeleri kezeńinde turǵyndar qaýipsizdik maqsatynda ózen ústine shyqpaǵany jón. Sondaı-aq Esil jaǵalaýyndaǵy muz aıdyny men syrǵanaqtardyń jumysy ýaqytsha toqtatyldy.
Muzdyń qalyńdyǵy Tótenshe jaǵdaılar departamenti belgilegen normatıvtik deńgeıge jetkennen keıin atalǵan nysandar qaıtadan paıdalanýǵa beriledi.
Aıta keteıik, qala turǵyndarynyń qaýipsiz júrýin qamtamasyz etý úshin joldarǵa, trotýarlar men kóshelerge táýlik boıy tehnıkalyq tuz sebilip jatyr.
Jańa jyl merekesi qarsańynda Astana men Almatyda qandaı is-sharalar ótedi?
Astana qalasynyń ákimdigi qala turǵyndary men qonaqtaryn qaýipsizdik talaptaryn saqtaýǵa, joldar men trotýarlarda barynsha saq bolýǵa, sondaı-aq qolaısyz aýa raıy kezinde alys saparlarǵa shyqpaýǵa shaqyrady.
