foto: gov.kz
Týrnırdiń fınalynda Qazaqstan ókili ýkraınalyq shahmatshy Anna Mýzychýkty jeńdi. Al jartylaı fınalda Asaýbaeva qytaılyq Chjý Szınerdi senimdi túrde utyp, qatarynan úsh partııada basym túsip, fınalǵa joldama aldy. О́z kezeginde Anna Mýzychýk Nıderland ókili Elın Rýbersti jeńip, sheshýshi kezdesýge shyqqan bolatyn.
Blısten ótken álem chempıonatynyń jalpy júlde qory bir mıllıon eýrodan asty. 21 jastaǵy Bıbisara Asaýbaeva úshin bul ataq – sport mansabyndaǵy taǵy bir iri jetistik. Ol buǵan deıin 2021 jáne 2022 jyldary blısten álem chempıony atanyp, rapıd shahmatynan álem chempıonatynda kúmis júlde ıelengen. Al 2025 jyly shahmatshy FIDE uıymdastyrǵan «Úlken Shveısarııa» týrnırinde qola medal jeńip alyp, halyqaralyq grossmeıster ataǵyna qol jetkizdi.
Aıta keteıik, Memleket basshysy Qasym-Jomart Toqaev Bıbisara Asaýbaevanyń halyqaralyq jarystardaǵy aıtýly jetistikteri men el shahmatyn damytýǵa qosqan eleýli úlesi úshin ony II dárejeli «Barys» ordenimen marapattaý týraly sheshim qabyldady.
