Foto: Qorǵanys mınıstrligi
Qazirgi zamanǵy qaqtyǵystar tájirıbesine negizdelgen
Ofıserler sıfrlyq baılanys quraldaryn qoldaný boıynsha teorııalyq jáne praktıkalyq daǵdylardy ıgerdi. Oqý baǵdarlamasy qazirgi zamanǵy jergilikti qaqtyǵystar tájirıbesine negizdelip ázirlendi.
Sabaqtarǵa qandaı mamandar tartyldy?
Sabaqtarǵa ınstıtýttyń beıindi kafedralarynyń oqytýshylyq quramy, sondaı-aq taktıka, aqparattyq tehnologııalar, radıoelektrondy barlaý jáne radıoelektrondy kúres salasyndaǵy mamandar tartyldy. Kafedraaralyq tásil baılanys uıymdastyrýdy bólimshelerdi basqarý mindetterimen baılanysty qarastyrýǵa múmkindik berdi.
«Kýrstyq daıyndyq sıfrlyq baılanys quraldaryn uıymdastyrý men qoldaný boıynsha praktıkalyq daǵdylardy meńgerýge múmkindik týǵyzdy. Alǵan bilimderim kúndelikti qyzmetimde óte paıdaly bolatynyna senimdimin», dedi kýrs tyńdaýshysy kapıtan Arman Áshiraqynov.
Oqý kýrsynyń nátıjesinde qatysýshylarǵa sertıfıkattar men alǵys hattar tabys etildi. Uıymdastyrýshylar oqý baǵdarlamasy baılanys bólimsheleriniń jaýyngerlik daıyndyq deńgeıin arttyrýǵa baǵyttalǵanyn jáne aldaǵy ýaqytta júıeli túrde ótkiziletinin málimdedi.
