Foto: Aýyl sharýashylyǵy mınıstrligi
Atalǵan norma 2026 jylǵy 30 maýsymǵa deıin qoldanysta bolady. Kvota mal basyn paıdalaný arqyly et óndiretin et óńdeý kásipornynyń iri qara mal etine bólinedi. Iri qara mal etin áketýge arnalǵan kvotanyń jalpy kólemi 20 000 tonnany quraıdy.
Bir tulǵaǵa belgilenetin kvota mólsheri bordaqylaý alańynyń qýattylyǵyna baılanysty. Naqty aıtqanda, 5 000 bas iri qara etin bordaqylaıtyn kásiporynǵa nemese jeke tulǵaǵa – 1 000 tonna, al 10 000 basqa – 2 000 tonna, 15 000 bas boıynsha – 3 000 tonna, 20 000 basqa – 4 000 tonna, 50 000 bas boıynsha – 10 000 (on myń) tonna kóleminde kvota beriledi.
