foto: ashyq derekkóz
Elimizdiń Reseıdegi Elshiliginiń habarlaýynsha, shetel azamattaryna Qazaqstanǵa kelmeı-aq memlekettik qyzmetter men servısterdi onlaın túrde alýǵa múmkindik beretin eResidency baǵdarlamasy engizilgen. Bul baǵdarlama arqyly JSN bar sıfrlyq jeke kýálik alýǵa bolady.
eResidency baǵdarlamasy sheteldikterge Qazaqstannyń bıznes-múmkindikteri men onlaın-servısterine qol jetkizýge múmkindik beredi:
- Jeke sáıkestendirý nómiri (JSN) bar sıfrlyq ID-karta alý;
- Qor naryǵyna, krıptobırjalarǵa, qazaqstandyq nómiri bar eSIM-ge qol jetkizý;
- Elektrondyq sıfrlyq qoltańba men saqtandyrý qyzmetterin rásimdeý;
- Qazaqstandyq kartalardy paıdalana otyryp, onlaın bank shottaryn ashý;
- Salyq rezıdenti mártebesin jáne tólem júıeleri arqyly ekvaırıng alý múmkindigi.
JSN alý máseleleri boıynsha shetel azamattaryna resmı saıtqa júginý usynylady, onda tolyq aqparat qoljetimdi.
