Elimizde jańa turǵyn úıdiń baǵasy arzandady

ASTANA. 12 mamyr. Sáýirde respýblıka boıynsha jańa baspananyń 1 sharshy metriniń ortasha baǵasy 225 084 teńgeni qurady. Bul týraly Qazaqstan Respýblıkasy Ulttyq ekonomıka mınıstrligi statıstıka komıtetine silteme jasap, total.kz habarlady. «2015 jyldyń sáýirinde ótken aımen salystyrǵanda turǵyn úıdi jalǵa alý quny 0,5 paıyzǵa kóterilgen. Al turǵyn úıdi qaıta satý – 0,5 paıyzǵa, tolyq jadbyqtalmaǵan baspanany satý – 0,4 paıyzǵa, jańa úılerdi satý – 0,2 paıyzǵa arzandaǵan», – delingen komıtet taratqan aqparatta. Mınıstrlik usynǵan málimdemede sáýir aıynda respýblıka boıynsha jańa turǵyn úıdiń 1 sharshy metriniń quny ortasha eseppen – 225 084 teńge, turǵyn úıdi qaıta satý – 173 345 teńge, tolyq jabdyqtalmaǵan baspanany satý – 100 659 teńgeni quraǵany týraly da aıtylady. Turǵyn úıdi jalǵa alý baǵasy – 1 259 teńge (sharshy metri úshin). Degenmen, 2015 jyldyń qańtar-sáýir aılaryndaǵy derekterdi ótken jyldyń osy merzimimen salystyrǵanda, baǵanyń óskenin baıqaýǵa bolady. Máselen, jańa turǵyn úıdi satýda baǵa ósimi 4,4 paıyzdy qurasa, baspana men tolyq jabdyqtalmaǵan turǵyn úıdi qaıta satý – 6,8 paıyzǵa qymbattaǵan. Al turǵyn úıdi jalǵa alý quny 7,5 paıyzǵa deıin ósken. Elaman Qońyr. Derek: total.kz. Sýret: kapital.kz.