Foto: istockphoto.com
«Qazgıdromet» mamandarynyń málimetinshe, 2 qańtarda elimizdiń 16 óńirinde daýyl soǵady.
Mańǵystaý oblysy: Ortalyqta jaýyn-shashyn (jańbyr, qar), burqasyn, kóktaıǵaq kútiledi. Kúndiz de osy qubylystar qaıtalanady. Soltústik pen ortalyqta tuman túsedi. Jeldiń ekpini 15-20 m/s jetedi. Aqtaýda kóktaıǵaq bolyp, jel kúsheıedi.
Batys Qazaqstan oblysy: Soltústikte, shyǵysta jáne ortalyqta tuman túsip, kóktaıǵaq bolady. Oralda da tuman men kóktaıǵaq kútiledi.
Jambyl oblysy: Taýly aýdandarda qar jaýyp, burqasyn bolady, kóktaıǵaq kútiledi. Oblystyń birqatar aımaǵynda tuman túsedi. Jeldiń jyldamdyǵy 15-20 m/s. Tarazda mezgil-mezgil tuman bolady.
Jetisý oblysy: Soltústik, shyǵys, ortalyq jáne taýly aımaqtarda tuman kútiledi. Oblys shyǵysynda jeldiń ekpini 23-28 m/s deıin kúsheıýi múmkin. Taldyqorǵanda túnde jáne tańerteń tuman bolady.
Aqtóbe oblysy: Túnde batysta, ońtústikte jáne shyǵysta qar jaýyp, kóktaıǵaq bolady. Kúndiz oblystyń soltústigi men shyǵysynda qalyń qar jaýýy yqtımal. Aqtóbede kúndiz qalyń qar men kóktaıǵaq, tańerteń tuman kútiledi.
Astana qalasy: Kúndiz kóktaıǵaq bolady. Túnde jáne tańerteń tuman túsedi.
Shyǵys Qazaqstan oblysy: Soltústik, ońtústik jáne ortalyqta tuman túsedi. Kúndiz ońtústik-shyǵysta jel 15-18 m/s jetedi. О́skemende tuman kútiledi.
Túrkistan oblysynyń basym bóliginde jáne Shymkentte mezgil-mezgil tuman túsedi.
Abaı oblysy: Ońtústik-batysta azdaǵan qar jaýyp, burqasyn bolady. Oblystyń basym bóliginde tuman túsedi.
Qyzylorda oblysy: Ortalyqta jáne soltústikte tuman kútiledi.
Ulytaý oblysy: Soltústik pen ortalyqta tuman bolady. Soltústikte jel 15-20 m/s jetedi.
Soltústik Qazaqstan oblysy: Batys pen ońtústikte qar jaýyp, burqasyn bolady. Jeldiń ekpini 15-20 m/s jetedi.
Atyraý oblysy: Batys, ońtústik jáne shyǵysta qar, burqasyn, kóktaıǵaq kútiledi. Tuman túsedi.
Pavlodar jáne Qaraǵandy oblystary: Batys, soltústik jáne ońtústik (Pavlodarda), sondaı-aq batys, soltústik, shyǵys (Qaraǵandyda) aımaqtarda tuman bolady.
Qostanaı oblysy: Soltústik pen batysta qar, burqasyn, kóktaıǵaq jáne tuman kútiledi. Jeldiń ekpini 15-20 m/s.
Aqmola oblysynyń basym bóliginde tuman túsip, jel kúsheıedi.
Esterińizge sala keteıik, boljam boıynsha bıylǵy qańtar aıy jyly bolady dep kútiledi. Respýblıka boıynsha ortasha temperatýra qalypty normadan 1-2 gradýsqa joǵary bolady dep boljanyp otyr.
