Foto: istockphoto.com
Ulttyq statıstıka bıýrosynyń derekterine súıensek, bıylǵy jyldyń on aıynda el ishinde 214,8 myń tonna kúnbaǵys maıy ótkizilse, eksportqa 523,4 myń tonna ónim shyǵarylǵan. Ranking.kz málimetinshe, otandyq ónimdi halyqaralyq naryqta ilgeriletýdegi betburys 2022 jyly bastalǵan edi. Sol tusta eksport kólemi shamamen 3 ese ósip, óndirýshiler Qytaı naryǵyna jol ashty.
Sodan bergi serpin tolastaǵan joq: 2023 jyly shetelge satylǵan ónim 58,9%-ǵa, 2024 jyly 30,6%-ǵa artty. Bıylǵy on aıdyń qorytyndysy da kóńil kónshiterlik – eksporttyq jetkizilimder 44%-ǵa ulǵaıǵan.
Bıylǵy jyldyń on aıynda kúnbaǵys, maqsary jáne maqta maıyn shetelge eksporttaý arqyly el kazynasyna 532 mln dollar quıyldy. Eksporttyq tabys bir jylda 68,3%-ǵa ósken. Aıta keterligi, ónimniń zattaı kólemi (39,9%) aqshalaı túsimge qaraǵanda baıaý ósken. Bul álemdik naryqtaǵy maı qunynyń artýy tabys eselenýine septigin tıgizgenin ańǵartady.
Otandyq ósimdik maıynyń negizgi tutynýshylary retinde О́zbekstan men Qytaı kósh bastap tur.
О́zbekstan bıyl bul taýardy satyp alý kólemin 74,2%-ǵa ulǵaıtyp, elimizge 266,6 mln dollar tóledi. Bul ótken jyldyń sáıkes kezeńimen salystyrǵanda 2 ese kóp.
Qytaı ekinshi iri saýda seriktesi retinde satýshylarǵa 139,5 mln dollar (ósim 28,8%) kóleminde tabys ákeldi.
