Foto: Ashyq derekkóz
Baǵdarlama sharty boıynsha, Ulttyq qordyń jyldyq ınvestısııalyq tabysynyń teń jartysy kámeletke tolmaǵan balalardyń arasynda teń bólinedi. «24KZ» telearnasynyń málimetinshe, ıgerilgen qarjynyń basym bóligi, atap aıtqanda, 18 mln dollar turǵyn úı jaǵdaıyn jaqsartýǵa, al qalǵan 10 mln dollar bilim aqysyn tóleýge jumsalǵan.
Bolat Shaıahmetov qarajattyń eseptelý tártibin bylaısha túsindirdi:
«Soma Ulttyq qordyń sońǵy 18 jyldaǵy ortasha ınvestısııalyq tabysynyń 50%-y negizinde qalyptasady. Ol 31 jeltoqsanǵa deıin 18 jasqa tolmaǵan balalardyń sanyna bólinedi. Zańnama boıynsha bul qarajatty qolma-qol alýǵa tyıym salynǵan, tek bilim alý nemese baspana jaǵdaıyn ońaltý maqsattaryna ǵana aýdarýǵa bolady», dedi ol.
2023 jyly ár balanyń enshisine 100 dollardan sál asatyn qarjy tıse, 2024 jyly bul kórsetkish 129 dollarǵa jetken. Eki jyl ishinde bankterge 200 myńnan astam ótinim túsip, onyń 188 myńy maquldanǵan.
«Ulttyq qor – balalarǵa»: Kámeletke tolǵandarǵa 22,29 mln dollardan asa qarajat berildi
