90

Atyraýda «Jas otaý» baǵdarla­ma­symen osynshama jas otba­syna jańa páter berildi Ádette jas otbasy­lar­dyń jańa baspana baqytyna ıe bolýy qıyn. Ásirese, 30 jasqa deıingiler aldymen páter kezegine tu­ryp, baspanaǵa qol jet­kizýdi birneshe jyldap kútedi. Biraq, olardy bul tyǵyryqtan shyǵaryp, qýanyshqa keneltetin jaǵdaı bar eken. Ony Atyraý oblysynyń ákimi Baqtyqoja Izmuhambetov «Jas otaý» baǵdarlamasyn iske asyrý arqyly tapty. Sóıtip, budan eki jyldaı buryn óńir ortalyǵynda jas otbasylaryna arnalǵan turǵyn úı qurylysy bastalǵan edi. О́tken aptada munaıly Atyraýdyń ǵana emes, tutas eldiń órkendeý ke­le­shegine ár saladaǵy qajyrly eńbegimen ózindik úlesin qosyp júrgen 90 jas otbasy zor qýanyshqa keneldi. Olarǵa oblys ákimi B.Izmuhambetov jergilikti qurylys kásiporny tur­ǵyzǵan jańa turǵyn úı­den eki bólmelik 30, bir bólmelik 60 páterdiń kiltin tapsyrdy. 29 jasqa tolmaǵan, ári eki balaly jas otbasylardyń músheleri alýan túrli mamandyqtyń ıeleri. Máselen, Salamat Qaıyrov bilim berý, Me­rýert Jaımaǵambetova densaýlyq saqtaý salasynda abyroıly eńbek etip júr. Al Nurlan Azamatov jas­tar uıymyna jetekshilik etedi. Bulardan ózge mem­lekettik qyzmetkerler de, áskerıler de baspana baqytyn sezindi. Joldasbek ShО́PEǴUL, «Egemen Qazaqstan».